Մարդիկ կարող են հիշել այնպիսի դեպքեր, որոնք երբեք իրենց կյանքում տեղի չեն ունեցել. հոգեբաններ. 1in.am

Գտնվելով մարդկանց խմբի մեջ՝ մարդը կարող է հիշել այնպիսի դեպքեր, որոնք երբեք իրենց կյանքում տեղի չեն ունեցել: Այս մասին հայտարարել են ամերիկացի հոգեբանները համապատասխան հետազոտությունների հիման վրա՝ հայտնում է Informing-ը:

Գիտնականների խոսքով՝ երբևէ տեղի չունեցածը «հիշելու» համար մարդուն բավական է զգալ խմբի ճնշումը: Այսպես՝ գիտությանը դեպք է հայտնի, երբ տղան, ում խորթ հայրը մեղադրվել է սեռական բռնության մեջ, պատմել է այդ մասին՝ չնայած նրա հետ դա չի կատարվել:

Երեխան, որոշ ժամանակ գտնվելով ոստիկանների մեջ, սկսել է պատմել այն մասին, ինչ նրա հետ իրականում տեղի չի ունեցել: Իր խորթ հոր դեմ ցուցմունք տալով՝ տղան, իրոք, հավատացել է, որ իր հիշողություններն իրական են:

Սակայն, թե ինչպես է աշխատում մարդու հիշողությունը, ով ինչ-որ պահի օտար հիշողությունները սկսում է ընդունել որպես սեփական, գիտնականները դեռևս չեն պարզել: Հետազոտողների խոսքով՝ նրանք մտադիր են բացահայտել այդ պրոցեսի մեխանիզմը, և թե արդյո՞ք դա մի մարդուց մյուսին հիշողության «հեռարձակում» է:

Հարցեր, պատասխաններ, մեկնաբանություններ