Ավստրալիայում փորձարկում են ցողունային բջիջներ Պարկինսոնի հիվանդության բուժման համար. 1in.am

Ռուսական TASS լրատվական գործակալության փոխանցմամբ՝ ամերիկացի ու ավստրալիացի բժիշկները ծրագրել են հաջորդ տարվա սկզբին Մելբուռնի թագավորական հիվանդանցում աշխարհում առաջին անգամ իրականացնել ցողունային բջիջների կլինիկական փորձարկումներ Պարկինսոնի հիվանդության բուժման համար։

Բժիշկները հուսով են, որ հաջողությունը հնարավորություն կտա ապագայում այդ հիվանդությունը բուժել միայն մեկ ներարկմամբ։ Փորձին մասնակցում է 12 մարդ, ովքեր ունեն միջին և ծանր ընթացող Պարկինսոնի հիվանդություն։

Գիտաշխատող Ռասել Կերնը հայտարարել է, որ առաջարկվող թերապիան նախատեսում է հիվանդի ուղեղում տասնյակ միլիոնավոր նյարդային ցողունային բջիջների ներդրում։ Բժիշկները կարծում են, որ դա հնարավորություն կտա վերականգնել դոֆամինի սինթեզի գործընթացը։ Դոֆամինը հորմոն է, որը տեղեկատվություն է հաղորդում ուղեղի բջիջների միջև։ Դոֆամինի ցածր կենտրոնացվածությունը Պարկինսոնի հիվանդության առաջացման ու զարգացման գլխավոր պատճառներից է։

Հարցեր, պատասխաններ, մեկնաբանություններ