Մարդն ավելի շատ է ենթարկվում Ալցգեյմերի հիվադության ռիսկի, եթե վախենում է դրանից. բժիշկներ. 1in.am

Գիտնականները հայտարարել են. եթե տարեց մարդը զգում է, որ շրջապատի մարդիկ իրեն արհամարհանքով են վերաբերում և կարծում են, որ տարիքի պատճառով կորցնում է առողջ մտածելու կարողությունը, նա իսկապես ավելի շատ է ենթակա դառնալու դեգեներատիվ հիվանդության զոհ, ինչպիսին Ալցհայմերի հիվանդությունն է: Հետազոտության մասին հաղորվում է Psychology and Ageing ամսագրում:

10 տարի հետազոտողները հետևել են փորձի 158 մասնակցի ֆիզիկական և հոգեբանական վիճակին, որոնց միջին տարիքը հետազոտության սկզբում եղել է 68: Մինչև աշխատանքի ավարտը 78 մարդ մահացել է:

Գիտնականներն ուսումնասիրել են՝ արդյո՞ք մահացածների ուղեղում առկա են Ալցհայմերի հիվանդության ախտանիշներ: Հետազոտության հեղինակները նաև հաշվի են առել մարդկանց հոգեբանական վիճակն ու նրանց վերաբերմունքը կյանքի նկատմամբ: Աշխատանքի արդյունքները ցույց են տվել. եթե մարդը զգում է արհամարհական վերանբերմունք իր հանդեպ և հասարակության կողմից, վախենում է կորցնել մտավոր ունակությունների մի մասը և ծերությունը դիտարկում է որպես բացառապես օրգանիզմի աստիճանական մարման շրջան, նրա հիվանդանալու ռիսկն ավելի մեծ է:

Հարցեր, պատասխաններ, մեկնաբանություններ