Դեղն առաջին անգամ ուղեղ են ներարկել գերձայնային ալիքների միջոցով. news.am

Կանադացի բժիշկները պատմության մեջ առաջին անգամ հաղթահարել են հեմատո-էնցեֆալիկ պատնեշը եւ քիմիաթերապեւտիկ դեղերը հասցրել անմիջապես ուղեղի հյուսվածքներին։

Հեմատո-էնցեֆալիկ պատնեշը (ՀԷՊ) բջջային ֆիլտր է արյունատար եւ կենտրոնական նյարդային համակարգերի միջեւ, որոնք ուղեղը պաշտպանում են այդ օրգանի իմունային համակարգի համար վտանգավոր մանրէների, տոքսինների եւ այլ վտանգավոր գործոնների ներթափանցումից։ ՀԷՊ-ի միջով ուղեղ են ներթափանցում միայն սնուցող նյութեր։ 

Ինչպես տեղեկացնում է The Motherboard պարբերականը, Սաննիբրուք համալսարանի հիվանդանոցի բժիշկները վիրահատություն են կատարել, որի ընթացքում քիմիաթերապեւտիկ դեղերը գերձայնային ալիքների միջոցով հաղթահարել են ՀԷՊ-ը։ Նրանք դեղը մտցրել են ներերակային եղանակով, օդի փոքրիկ պղպջակների հետ միասին, իսկ հետո պղպջակներին ստիպել լայնանալ եւ փքվել ուղեղի ստորին հատվածներում։ Այդպես բժիշկները ՀԷՊ-ի բջիջների ցանցում փոքրիկ  «անցքեր» են ստեղծել, որպեսզի դեղը հասներ ուղեղին։ Պղպջակները մնում են արյունատար համակարգում եւ անհետանում մի քանի րոպե անց՝ հասնելով մինչեւ թոքերը։ Իսկ ՀԷՊ-ում անցքերը փակվում են 8-12 ժամ անց։

Եթե հետագա փորձարկումները հաստատեն այդ բուժման արդյունավետությունը, արմատականորեն կընդլայնվեն բժիշկների՝ ուղեղի հիվանդությունները բուժելու հնարավորությունները։ Առայժմ ՀԷՊ-ի պատճառով բժիշկները ստիպված են լինում հիվանդներին դեղերի հսկայական չափաբաժիններ նշանակել՝ հույս ունենալով, որ դրանց ինչ-որ մասը կհասնի ուղեղին (համաձայնելով կողմնակի հետեւանքներին)։

Հարցեր, պատասխաններ, մեկնաբանություններ