Հոգեբանները բացատրել են, թե ինչու է մարդը հակված գերբնական երևույթներին. 1in.am

Korrespondent.net-ի փոխանցմամբ՝ հոգեբանները բացատրել են, թե ինչու է մարդը հակված գերբնական երևույթներին, անգամ այն ժամանակ, երբ դա մերժում են նրանց աչքերը։ Այդ մասին նշված է Psychological Review պարբերականում տեղ գտած հոդվածում։

Չիկագոյի համալսարանը ներկայացնող Ջեյն Ռայզենը հայտարարել է, որ անգամ այն ժամանակ, երբ բոլոր պայմաններն իդեալական են, որպեսզի մարդը կարողանա նկատել իր դատողություններում կատարած սխալը, և երբ մարդն ունի մոտիվացիա ու հնարավորություն՝ իրեն ռացիոնալ պահելու համար, միևնույն է, հաղթում է խորհրդամոլական իրավիճակը։

Ռայզենը հայտարարել է, որ սպորտային ֆանատներից շատերը, իսկ երբեմն էլ՝ անհավատ մարդկանցից շատերը, լիովին ռացիոնալ են, սակայն երբ գործը հասնում է իրենց սիրելի թիմերի խաղերին, նրանք ունեն արարողակարգերի իրենց հավաքածուն՝ «գերբնական ուժերին» դիմելու համար։

Հոգեբանը հետևել է նման մարդկանց և պարզել, որ մարդն ունակ է մտածել երկու եղանակով՝ «արագ» և «դանդաղ»։ Առաջինի տակ գիտնականները հասկանում են ինտուիտիվ մտածելակերպը, որը մեզ թույլ է տալիս արագ և պարզորեն դուրս գալ կենսական իրավիճակներից։ Իսկ երկրորդը մտածելու ավելի էներգատար եղանակ է, որը հիմնականում աշխատում է՝ ուղղելով առաջինի սխալները։

Ռայզենը հայտարարել է, որ այն փաստը, որ սնահավատությունը շարունակում է իշխել մարդու բանականության վրա անգամ այն դեպքում, եթե նա հասկանում է դրանց սխալականությունը, խոսում է, որ «դանդաղ» մտածելու աշխատանքի համար պատասխանատու է ուղեղի ոչ թե 1, այլ՝ 2 հատվածը։ Դրանցից առաջինը պատասխանատու է սխալների ճանաչման, իսկ երկրորդը՝ դրանց ուղղման համար։ Նրանց միջև կապերի վրա կարող են ազդել ուղեղի այն մասերը, որոնք պատասխանատու են ինտուիցիայի աշխատանքի համար՝ խանգարելով նրանց միջև տեղեկատվության փոխանակմանը։

Հարցեր, պատասխաններ, մեկնաբանություններ