Հայտնաբերվել է առաջին դեղը, որը դանդաղեցնում է Ալցհայմերի հիվանդությունը. tert.am

Interfax-ը հայտնում է, որ Բրիտանիայի Ալցհայմերի հիվանդության հետազոտության կենտրոնի գիտնականները գտել են աշխարհում առաջին դեղը, որն, ըստ ամենայնի, դանդաղեցնում է Ալցհայմերի հիվանդությունը, ավելի կոնկրետ` փոփոխություններ, ուղեղում, որոնք պայմանավորված են Ալցհայմերի հիվանդությամբ:

Solanezumab անվանումով դեղը դիմակայում է հիշողության կորստին` Ալցհայմերի նախնական փուլում:

Մի քանի տասնամյակ տևած գիտափորձերից հետո սա դարձել է առաջին դեղամիջոցը, որն ինչ-որ կերպ ազդում է այդ ախտի վրա: Դեղը ստեղծվել է ամերիկյան Eli Lilly դեղագործական ընկերության կողմից:

Բժիշկները, մի քանի տարվա փորձարկումներից հետո, նշում են, որ միջոցն, այնուամենայնիվ, չի բուժում հիվանդությունը, այլ միայն դանդաղեցնում է դրա զարգացումը:

Հարցեր, պատասխաններ, մեկնաբանություններ