Ոչ ստերոիդային ցավազրկողներն ավելի հավանական են դարձնում կաթվածը. med.news.am

Տարածված ցավազրկողներն, օրինակ, իբուպրոֆենն ու նապրոքսենը, ավելի հավանական են դարձնում կաթվածը: Այս մասին  հայտնում է ամերիկյան Food and Drug Administration-ը (FDA): Մասնագետները մարդկանց խորհուրդ են տալիս զգուշությամբ օգտագործել ոչ ստերոիդային հակաբորբոքային միջոցները՝ հատկապես, եթե նախկինում արդեն սրտի նոպա են ունեցել:

Վերջին տվյալների համաձայն՝ կաթվածների հավանականությունն աճում է այս միջոցների նույնիսկ կարճատեւ օգտագործումից հետո: Ավելի մեծ են ռիսկերը բարձր զարկերակային ճնշում ու սրտի խնդիրներ ունեցող մարդկանց մոտ: Սական կաթվածի հետ կարող են բախվել նույնիսկ առողջ սիրտ ունեցող մարդիկ:

«Նախկինում ենթադրվում էր, որ այս դեղերը կարող են կաթվածների պատճառ դառնալ, այժմ պնդում են, որ դրանք, իսկապես, ավելի հավանական են դարձնում կաթվածը», - նշեց Էրիկ Պախոնը՝ FDA ներկայացուցիչը:

Նոր տվյալների համաձայն՝ մարդիկ պետք է հնարավորինս չընդունեն ոչ ստերոիդային հակաբորբոքային նյութեր պարունակող մի քանի դեղեր: Ի դեպ, հետաքրքիր է, որ ասպիրինը, չնայած նրան, որ ոչ ստերոիդային հակաբորբոքային միջոց է, կաթվածի հավանականության վրա չի ազդում:

FDA մասնագետները խորհուրդ են տալիս անպայման ծանոթանալ դեղերի հրահանգի հետ ու պարզել. պարունակու՞մ են դրանք ոչ ստերոիդային հակաբորբոքային միջոցներ, թե՝ ոչ:

Մոտ ապագայում FDA-ն կպահանջի, որ դեղարտադրողները թարմացնեն ոչ ստերոիդային դեղերի հակացուցումների ու կողմանկի ազդեցության ցանկը՝ անկախ այն հանգամանքից, դրանք դեղատներից ձեռք են բերվում առանց դեղատոմսի, թե՝ դեղատոմսով:

Հարցեր, պատասխաններ, մեկնաբանություններ