Շվեդ գիտնականներն ստեղծել են արհեստական նյարդային բջիջ. 1in.am

Կարոլինյան ինստիտուտի հետազոտողները ստեղծել են ֆունկցիոնալ արհեստական նյարդային բջիջ, որը կարող է «նմանակել» մարդու նյարդային բջիջներին և շփվել նրա հետ այնպես, ինչպես դա արվում է սովորական «կենդանի» ռեժիմով: Այս մասին գրում է Biosensors & Bioelectronics գիտական ամսագիրը:

Գիտնականները՝ հստակեցնելով իրենց աշխատանքի սկզբունքի էությունը, նկատել են, որ մարդու նյարդային բջիջները մեկուսացված են միմյանցից և շփվում են քիմիական ազդանշանների միջոցով։ Նյարդային բջիջներում դրանք վերածվում են էլեկտրական խթանիչների։ Այնուհետև էլեկտրական ազդանշանը վերածվում է քիմիականի, որը հետո փոխանցվում է հաջորդ բջջին։ Այսօր մարդու նյարդային բջիջների միջև կապի վրա ազդելու համար օգտագործում են էլեկտրական խթանիչը:

Մասնագետները, մասնավորապես, մշակել են ոչ մեծ օրգանական կենսաէլեկտրոնային կոմպոնենտ, որը կարող է հայտնաբերել քիմիական ազդանշանները, ապա դրանք փոխանցել մարդու բջիջներին:

Հարցեր, պատասխաններ, մեկնաբանություններ