Ծովի խորքում ինսուլտի դեմ դեղամիջոց է հայտնաբերվել. 1in.am

Ռուս գիտնականները հայտնաբերել են, որ ծովաստղերից ստացված կենսաբանական ակտիվ նյութերը կարող են օգտակար լինել իշեմիկ ինսուլտի բուժման համար:

Իշեմիկ ինսուլտի ժամանակ ուղեղի բջիջները մեռնում են՝ արյան մատակարարման խախտման պատճառով: Ծովաստղերից ստացված հատուկ նյութերը պաշտպանում են նյարդային բջիջները թթվածնային քաղցի և գլյուկոզայի անբավարար մատակարարման ժամանակ: Փորձագետները պարզել են, որ ծովաստղերից ստացված նյութի հիմքով պատրաստված դեղերը կարող են օգտակար լինել ինչպես իշեմիկ ինսուլտի բուժման, այնպես էլ կանխարգելիչ նպատակով:

Խաղաղօվկիանոսյան ինստիտուտի բիոօրգանական քիմիայի և Մոլեկուլյար կենսաբանության և բիոֆիզիկայի ինստիտուտի գիտնականները մոտ ժամանակներս նախատեսում են ստանալ ակտիվ նյութի բավարար քանակություն, որպեսզի անցնեն դրա նախակլինիկական փորձաքննությանը: Այս մասին հաղորդում է news-smi.ru-ն:

Հարցեր, պատասխաններ, մեկնաբանություններ