Նոր սարքը լսողական խնդիրներ ունեցողներին կօգնի լսել լեզվի օգնությամբ. news.am

Ամերիկացի գիտնականները մշակել են մի սարք, որը լսողական խնդիրներ ունեցող մարդկանց կօգնի լսել լեզվի օգնությամբ:

Ամերիկյան լրատվամիջոցների հաղորդմամբ՝ սարքը բաղկացած է երկու մասից՝ Bluetooth-ով (անլար տեխնոլոգիա, որը նախատեսված է կարճ տարածության վրա ինֆորմացիա փոխանակելու համար) համալրված փոքր լսողական ներդրուկից, որը հագցվելու է ականջին և քառակուսի «ընդունիչից», որը տեղադրված է լինելու լսողական խնդիր ունեցողի բերանում:

Լսողական սարքը լսել, գրանցելու է ձայնը, այնուհետ այն ուղարկելու է «ընդունիչին», որն ամրացված կլինի  օգտագործողի քիմքին:

«Սա լսողական խնդիրներ ունեցող մարդկանց օգնելու ավելի դյուրին եւ մատչելի միջոց է, քան կոխլեար իմպլանտի տեղադրումը», - հայտարարել է նորույթի հեղինակ Ջոն Ուիլյամսը՝ Կոլորադոյի համալսարանից:

Նրա խոսքով՝ սարքը ստեղծելու գաղափարը ծնվել է պատահմամբ, երբ նա հիշել է, որ լեզվի վրա կան հազարավոր նյարդային ծայրելուստներ, որոնք կապված են ուղեղի հետ եւ որոնք կօգնեն ձայնն ազդանշանի վերածելու հարցում:

Սարքն, ամեն դեպքում, որոշ չափով նման է կոխլեար իմպլանտին («կոխլեա» բառից է, որընշանակում է «ականջախեցի»)՝ վիրահատություն, որը խուլ մարդկանց հնարավորություն է տալիս լսելու: Բժիշկները հիվանդի ներքին ականջի մեջ տեղադրում են հատուկ սարք, որը ձայնը վերածում է էլեկտրական ազդանշանի եւ փոխանցում է անմիջապես լսողական նյարդին: Տեղադրումից որոշ ժամանակ անց ուղեղը սկսում է ընկալել ստացված ազդանշանները որպես ձայն, արդյունքում լսողական խնդիրներ ունեցողը լսում է: Ամերիկացի գիտնականների նախագծած սարքը մոտավորապես նույն ձեւ է գործումէ միայն մի տարբերությամբ, որ ազդանշանը փոխանցվելու է լեզվի վրա գտնվող նյարդային ծայրելուստների միջոցով:

Հարցեր, պատասխաններ, մեկնաբանություններ