Մարդու ուղեղի ինտերակտիվ քարտեզը փոխում է վերաբերմունքը հակադեպրեսանտների օգտագործման նկատմամբ. 1in.am

Մարդկային գլխուղեղի ինտերակտիվ քարտեզը, որտեղ նշված է մարդու կենտրոնական նյարդային համակարգի հիմնական նեյրոմեդիատորների՝ սերոտոնինի ակտիվությունը, արմատապես կարող է փոխել վերաբերմունքը հակադեպրեսանտների օգտագործման նկատմամբ: Բացի դրանից՝ այն կարող է օգնել հոգեկան հիվանդությամբ տառապողների ամենօրյա թերապիայի դեպքում:

Սերոտոնինը մարդու կենտրոնական նյարդային համակարգի նեյրոմեդիատոր է, որը գիտնականները հաճախ դիտարկում են որպես նյութ, որը պատասխանատու է հոգեբանական հավասարակշռության ապահովման համար:

Դրա բացակայությունը հանգեցնում է դեպրեսիայի: Այդուհանդերձ, հետազոտողները դեռ հստակ չեն հասկանում, թե ինչպես է այդ նյութը ազդում էմոցիոնալ խանգարումների ձևավորման վրա:

ԱՄՆ Բալթիմոր քաղաքի Ջոն Հոփկինսի անվան համալսարանի դոցենտ, գլխուղեղի հետազոտության մասնագետ Երեմիա Քոենը պատմել է բրիտանական The Guardian-ին սերոտոնինի կարևորության մասին:

Հետազոտողները հուսով են, որ գլխուղեղում սերոտոնինի ակտիվության քարտեզի շնորհիվ հնարավոր կլինի օգտագործել արդեն գոյություն ունեցող կամ հատուկ մշակված դեղամիջոցները նպատաուղղված, այսինքն՝ ազդել համակարգի հենց այն մասերի վրա, որոնք պատասխանատու են կոնկրետ խանգարման համար:

Բժիշկ Քոենը մտադիր է հետևել սերոտոնինի ակտիվությանը մկների օրգանիզմում:

Հարցեր, պատասխաններ, մեկնաբանություններ