Գիտնականները հայտնաբերել են ուղեղի չծերացող հատվածը. news.am

Նյարդաֆիզիոլոգների վերջին տարիների համառ ու տևական հետազոտությունները բացահայտել են, որ չնայած գլխուղեղի գործառույթների մեծ մասը տարիքի հետ վատթարանում է` ի հաշիվ գլիալ բջիջների ինտենսիվ բազմացման, այնուամենայնիվ  տարեց մարդկանց գլխուղեղում տարածական ուշադրությունը մնում է երիտասարդի մակարդակին:
 
Հետազոտության արդյունքները նրանք ներկայացրել են ավստրալական Բրիսբենում կայացած “Ճանաչողական նյարդագիտությունների”  12-րդ միջազգային համաժողովի ժամանակ:

Տարածական ուշադրությունն անհրաժեշտ է մարդու գործունեության բազմաթիվ տեսակների համար՝ ավտոմեքենա վարելուց մինչեւ քայլելը:

Գիտնականները տարածական ուշադրության բազմաթիվ թեստեր են անցկացրել եւ հանգել եզրակացության, որ դրանց արդյունքները չեն տարբերվում 18-38 եւ 55-95 տարեկան մարդկանց տարիքային խմբերում:

Gazeta.ru-ի փոխանցմամբ, ուսումնասիրության արդյունքնեը փաստում են, որ տարիքի հետ ուղեղի տարբեր հատվածներ միանման չեն ծերանում:

Հարցեր, պատասխաններ, մեկնաբանություններ