Գիտնականները պարզել են, թե ինչու ինֆարկտներն ու ինսուլտները տեղի են ունենում առավոտյան. 1in.am

Սրտանոթային հիվանդությունները մահվան թիվ մեկ պատճառն են տղամարդկանց ու կանանց շրջանում։ Ընդ որում՝ սրտանոթային աղետների մեծամասնությունը, որպես կանոն, տեղի է ունենում օրվա առաջին կեսին, հաղորդում է ru.golos.ua-ն։

ԱՄՆ Օրեգոն նահանգի համալսարանի հետազոտությունների արդյունքները վկայում են, որ մեր օրգանիզմի ներքին կենսաբանական ժամացույցները կառուցված են այնպես, որ սրտամկանի ինֆարկտի կամ իշեմիկ կաթվածի (ինսուլտի) ռիսկը մեծանում է հատկապես առավոտյան։

Նրանք հետազոտման նպատակներով ընդգրկել են 12 կամավորի, որոնց երկու շաբաթվա ընթացքում հետևել են ֆիզիոլոգիական լաբորատորիայի պայմաններում։ Մասնակիցները գնահատվել են հատուկ արձանագրությամբ, որը մշակված էր այնպես, որպեսզի օրական վարքային և բնապահպանական ռիթմերն ապահամապատասխանեցվեն մարդու ներքին ցիրկադային ռիթմերի հետ։

Հետազոտողները լրացուցիչ գնահատել են պլազմինոգեն-1-ի ակտիվատորի պաշարիչի դերը, որը կասեցնում է արյան թանձրուկների քայքայումը և այդպիսով հանդիսանում է արյան մակարդելիության՝ ինֆարկտի և իշեմիկ կաթվածի հիմնական պատճառներից մեկի, ռիսկի գործոն։ Գիտնականները փորձել են ստուգել, թե PAI-1-ի առավոտյան պիկը պայմանավորա՞ծ է, արդյոք, ներքին ժամացույցով, թե՞ առավելապես կախված է արտաքին գործոններից, որոնք մարդու վրա ազդում են առավոտյան (կեցվածքի փոփոխություն, ֆիզիկական ակտիվության թռիչք)։

Պարզվել է, որ ամեն ինչում, այնուամենայնիվ, մեղավոր են մեր կենսառիթմերը. պլամինոգեն-1-ի թռիչքը տեղի է ունենում առավոտյան մոտավորապես 6։30-ին, քնի սովորական ցիկլում։

«Մեր արդյունքները ցույց են տալիս, որ ցիրկադային ռիթմերը, որոնք հայտնի են նաև որպես կենսառիթմեր կամ օրգանիզմի ներքին ժամացույցներ, սրտանոթային իրադարձությունների մեծացած ռիսկին նպաստում են առավոտյան»,- ասել են աշխատության հեղինակները։

Հարցեր, պատասխաններ, մեկնաբանություններ