Կաթվածահար ամերիկացին դարձել է առաջին հիվանդը, ով մտքի ուժով շարժել է ձեռքը (տեսանյութ). tert.am

ԱՄՆ-ի Օհայոյի պետական համալսարանի գիտական թիմի շնորհիվ պարանոցից ներքև կաթվածահար եղած Իեն Բուրկհարթը դարձել է առաջին հիվանդը, ով կարողացել է միայն մտքի ուժի գործածությամբ շարժել ձեռքը։

Ինչպես նշում է The Telegraph-ը, դա տեղի է ունեցել գիտնականների՝ Բուրկհարթի ուղեղում ներդրված չիպի միջոցով, որը կարող է իրական հեղափոխություն անել կաթվածահար, ինչպես նաև մկանային համակարգի հետ խնդիրներ ունեցող մարդկանց բուժման բնագավառում։

«Նեյրոբրիջ» կոչվող ուշագրավ փորձարկման ժամանակ 23-ամյա երիտասարդն անընդհատ մտածել է ձեռքը շարժելու մասին, իսկ մնացածն արդեն արել է չիպը, ինչի համար պահանջվել է 1 վայրկյանից էլ քիչ ժամանակ։

Աղբյուրը հավելում է, որ 0.2 սմ երկարությամբ չիպը կարողանում է «կարդալ» հիվանդի մտքերը, ինչից հետո տեղեկությունը մալուխի միջոցով փոխանցվում է համակարգչին։ Սարքն ապակոդավորում է ստացված տեղեկությունն ու մկաններին տալիս համապատասխան հրամանը։

Հարցեր, պատասխաններ, մեկնաբանություններ