Աղջկան վիրահատել ու նոր գանգ են տեղադրել, որը տպվել է 3D-տպիչով

Նիդերլանդների 22-ամյա բնակչուհուն գանգատուփի վերին հատվածի հաջող փոխպատվաստում են կատարել՝ այն փոխարինելով պլաստիկե իմպալնտով, որը տպվել է 3D-տպիչով:

Աղջիկը ոսկրերի քրոնիկ հիվանդություն է ունեցել, ինչի պատճառով նրա գանգուղեղի հաստությունը 1,5 սմ-ից դարձել է 5 սմ: Արդյունքում աղջկա մոտ առաջացել է տեսողության խանգարում ու գլխացավեր:

Հաղորդվում է, որ նոր օրգանը պատրաստված է կիսաթափանցիկ պլաստիկից: Վիրահատությունը տեւել է 23 ժամ:

Ինչպես նշվում է, ժամանակակից տեխնոլոգիաները փրկել են աղջկա կյանքը: Նրա սեփական գանգոսկրն այնքան հաստ է եղել, որ գլխուղեղի լուրջ վնասվածքները կամ մահն անխուսափելի կլինեին:

Վիրահատությունից հետո աղջկա տեսողությունը վերականգնվել է, նրա մոտ հիվանդության ախտանշաններ չկան ու նա լիովին գործունյա է:

Հարցեր, պատասխաններ, մեկնաբանություններ