Դիաբետը բարձրացնում է կանանց ծերունական սակավամտության ռիսկը

Ֆրանսիացի գիտնականները պարզել են, որ 2-րդ տեսակի դիաբետն ու էսթրոգեն հորմոնի բարձր մակարդակը կանանց մոտ ավելացնում է ծերունական սակավամտության զարգացման ռիսկը: Հետազոտությունն անցկացվել է INSERM գիտական կենտրոնի գիտնականների կողմից:

Հետազոտությանը մասնակցել է 65 տարեկան եւ բարձր տարիքի ավելի քան 5600 կին: Մասնակիցների մոտ անց են կացրել արյան լաբորատոր հետազոտություն՝ պարզելու գլյուկոզայի եւ էսթրոգենի մակարդակ, ինչը կրկնել են չորս տարի անց: Այն կանայք, որոնց մոտ դիաբետ ու ծերունական սակավամտություն է  հայտնաբերվել, էսթրոգենի մակարդակը 70%-ով բարձր է եղել նրանց համեմատ, ովքեր ունեցել են դիաբետ, բայց չեն ունեցել ծերունական սակավամտություն, հաղորդում է «Արգումենտի»-ն: 

Գիտնականները պարզել են, որ էսթրոգենի բարձր մակարդակը կրկնակի անգամ բարձրացնում է ծերունական սակավամտության ռիսկը, իսկ դիաբետի առկայությունը ռիսկն է՛լ ավելի է բարձրացնում:

Հարցեր, պատասխաններ, մեկնաբանություններ