Վիրտուալ իրականությունը օգնում է վերականգնվել ինսուլտից հետո

Ինսուլտից հետո մարդիկ հաճախ կորցնում են ձեռքերն աշխատեցնելու կարողությունը: Մինեսոտայի համալսարանի աշխատակիցները հատուկ վերականգնողական մեթոդ են փորձարկել:  Հիմքում «Վիրտուալ ձեռքեր» ծրագիրն է:

Այն աշխատում է նյարդահամակարգչային ինտերֆեյսում, որը ձեռքերը կառավարելու ունակությունից զրկված հիվանդներին հնարավորություն է տալիս մարզվել: Վերականգնողական սեանսի ընթացքում բժիշկը հիվանդի ձեռքը թեքում է տարբեր կողմեր, նրան առաջարկելով պատկերացնել, որ հենց ինքն է շարժում այն:

Էկրանին զուգահեռ ցուցադրվում են ուղեղի ակտիվության ցուցանիծները: Ինտերֆեյսը մարդուն հնարավորություն է տալիս մտովի կառավարել վիրտուալ ձեռքը` մարզելով իրականում ձեռքերը շարժելու համար անհրաժեշտ ուղեղի հատվածները, հաղորդում է MedDaily.ru-ն:

Վերականգնողական մեթոդը փորձարկել են վեց հիվանդների մոտ (մի քանի սեանս` երկու ժամով): Նրանց ակնոց են տվել` ձեռքերի եռաչափ պատկերի խաբկանք ստեղծելու համար: Բուժման փուլի ավարտին հիվանդները 81% ճշգրտությամբ կարողանում էին կառավարել վիրտուալ ձեռքերը: Գիտնականները փորձը դրական են գնահատում եւ նախատեսում են անցկացնել զանգվածային հետազոտություն:

Հարցեր, պատասխաններ, մեկնաբանություններ