Հայտնաբերվել է էպիլեպսիայի զարգացման համար պատասխանատու գենը

Մելբուռնի համալսարանի մասնագետների գլխավորությամբ գիտնականների միջազգային խմբին հաջողվել է որոշել այն գենը, որը պատասխանատու է էպիլեպսիայի ամենատարածված՝ կիզակետային տեսակի զարգացման համար: Ինչպես պատմել է խմբի ղեկավար Ինգրիդ Շեֆֆերը, այս հայտնագործությունը թույլ կա ապագայում հիվանդությունը բուժելու ավելի արդյունավետ միջոցներ մշակել: Նշենք, որ այս հիվանդությամբ տառապում է մարդկության 2 տոկոսը: 

Շեֆֆերի խոսքերով՝ այս բացահայտումը բժիշկներին կօգնի գենետիկ կոնսուլտացիաների համակարգ ստեղծել։ Գենետիկական «սքրինինգի» շնորհիվ մասնագետները հնարավորություն կունենան ապագա ծնողներին զգուշացնել, որ իրենց երեխան էպիլեպսիայով հիվանդ կծնվի: 

Այս բացահայտման մանրամասների մասին հրապարակվել է Nature Genetics ամսագրում:

Հարցեր, պատասխաններ, մեկնաբանություններ