Կոմայում գտնվող մարդը կարող է շփվել արտաքին աշխարհի հետ. կանադացի նյարդակենսաբաններ

Կանադացի նյարդակենսաբանները պարզել են, որ կոմայում գտնվող մարդը կարող է շփվել արտաքին աշխարհի հետ: Այս մասին հայտնում է BBC-ն:

12 տարի առաջ տեղի ունեցած ավտոճանապարհային պատահարից հետո վեգետատիվ վիճակում հայտնված 39-ամյա Սկոտ Ռաուտլիի մտքերը կարդալու համար Արևմտյան Օնտարիոյի` ուղեղի ուսումնասիրման ինստիտուտի գիտնականները կիրառել են նորագույն սքաներ: Սարքը ֆիքսել է գլխուղեղի տարբեր հատվածներում նույնիսկ ամենաաննշան ակտիվությունը: Գիտնականները հիվանդին տվել են հասարակ հարցեր, օրինակ` նա թենիս խաղո՞ւմ է, ցավ զգո՞ւմ է:

Արդյունքում պարզվել է, որ կախված պատասխանից`ստացվող ազդակները տարբերվել են, դրանք կարելի է մեկնաբանել որպես «այո» կամ «ոչ»:

Հետազոտական խմբի ղեկավար Ադրիան Օուենի խոսքով՝ Սկոտը ցույց է տվել, որ ունակ է մտավոր գործունեության:

Այժմ գիտնականներն առաջին անգամ հնարավորություն են ստացել շփվելու վեգետատիվ վիճակում գտնվող մարդու հետ՝ նրա մտքերը կարդալու միջոցով:

Հարցեր, պատասխաններ, մեկնաբանություններ