Նյարդակենսաբաններին հաջողվել է հետևել երազ տեսնելու գործընթացին

 Ճապոնացի նյարդակենսաբաններին հաջողվել է կանխագուշակել երազի տեսողական բովանդակությունը՝ ֆունկցիոնալ տոմոգրաֆիայի տվյալների հիման վրա: Իրենց աշխատանքի արդյունքները գիտնականները ներկայացրել են Նոր Օռլեանում կայացած նյարդակենսաբանության կոնֆերանսում:

NatureNews-ի փոխանցմամբ՝ կամավորներին տեղավորել են տոմոգրաֆում, որտեղ նրանք պետք է քնեին: Հենց փորձի մասնակցի ուղեղում սկսվել է քնի մեկնարկին բնորոշ էլեկտրական ակտիվությունը, նրանց արթնացրել են և հարցրել երազի բովանդակությունը: Մեկ ժամվա ընթացքում անցկացվել է քնի և արթնացման 6-7 փուլ, իսկ մասնակիցներից յուրաքանչյուրը իր երազի բովանդակության մասին պատմել է 200 անգամ:

Փորձի մասնակիցների բանավոր հաղորդագրություններից գիտնականները առանձնացրել են 20 «բանալի» բառեր, որոնք մասնակիցների երազներում առավել հաճախ են հանդիպել, օրինակ՝ ավտոմեքենա, տղամարդ: Այնուհետև կամավորներին ցուցադրվել է համապատասխան պատկերը արդեն իրականում և միաժամանակ ֆիքսել ուղեղի ակտիվությունը: Գիտնականները համեմատել են քնի մեջ և իրականում կերպարների առաջացմանը ուղեղի տեսողական հատվածներում ուղեկցող երևույթները:

Արդյունքում հետազոտողները սովորել են ուղեղի էլեկտրական ակտիվության հիման վրա գուշակել այն կերպարները, որոնք կամավորները տեսել են երազում:

Հարցեր, պատասխաններ, մեկնաբանություններ