Գլխուղեղի կառուցվածքը ուղիղ համեմատական է ավելորդ քաշի հետ

 Միչիգանի համալսարանի վերջին հետազոտության արդյունքներով պարզվել է, որ որոշ մարդկանց գլխուղեղի կառուցվածքը տարբերվում է սովորական մարդկանց գլխուղեղի կառուցվածքից. նրանք չեն արձագանքում ոչ մի հորմոնի, որոնք կառավարում են ախորժակը: Այս մասին տեղեկացնում է The Daily Mail-ը:

Հայտնի է, որ կան երկու առանցքային հորմոններ՝ կապված քաշի հետ: Առաջինը գրելինն է (արտադրվում է ստամոքսի կողմից և ապահովում քաղցի զգացումը, խոչընդոտում մեթաբոլիզմին ու նվազեցնում մարմնի՝ ճարպը այրելու կարողությունը), երկրորդը լեպտինն է (ահազանգում է ուղեղին, որ հարկավոր է նվազեցնել ախորժակը և ժամանակն է այրել կալորիաները):

Ավելի վաղ գիտնականները արդեն պարզել էին, որ լեպտինի անբավարար քանակը առաջացնում է ճարպակալում, կամ հակառակը՝ հորմոնի ավելցուկը ծանրաբեռնում է ռեցեպտորը, և արդյունքը լինում է նույնը: 

Գիտնականները հայտնաբերել են «շատակերության գեն», ինչի պատճառով ուղեղը չի կարող հասկացնել, որ մարդը հագեցել է: 

Մկների վրա անցկացված թեստերը ցույց են տվել, որ ընդամենը մեկ գենում մուտացիան խախտել է մարմնում հավասարակշռությունը ու հանգեցրել քաշի ավելացման:

Հարցեր, պատասխաններ, մեկնաբանություններ