Գիտնականները հայտնաբերել են ստեղծագործելու համար պատասխանատու նեյրոններ ստեղծող ցողունային բջիջներ

Գիտնականները հայտնաբերել են ցողունային բջիջների ընտանիք, որոնք ստեղծում են ստեղծագործելու համար պատասխանատու նեյրոններ: Բջիջները հայտնաբերվել են մկների սաղմերում, դրանք կազմավորվում են գլխուղեղի կեղևի վերին շերտերում: Մարդկանց մոտ ուղեղի այդ հատվածը պատասխանատու է վերացական մտածողության, ստեղծագործելու, ապագայի պլանավորման, հրատապ խնդիրների լուծման համար: Այս մասին հաղորդում է Rosbalt.ru-ն:

Հայտնագործությունն արել են Կալիֆոռնիայի Սկրիպսի հետազոտական ինստիտուտի փորձագետները:

Նեյրոնների ամենաբարակ ներքին շերտերը, որոնք միանում են գլխուղեղի և ողնուղեղի բջիջների հետ, կարգավորում են հիմնական ֆունկցիաները` շնչառությունն ու շարժումը: Ավելի հաստ վերին շերտերը, որոնք տեղակայված են ուղեղի արտաքին մակերևույթին, պարունակում են նեյրոններ, որոնք միավորում են զգացողության օրգաններից ստացվող ինֆորմացիան:

Մտածողության գերագույն գործառույթը տեղակայված է նեյրոնների վերին շերտերում, որոնք էվոլյուցիայի տեսանկյունից իրենցից ներկայացնում են ուղեղի «նորագույն» հատվածներ: Լաբորատոր պայմաններում ցողունային բջիջների աճեցումը թույլ կտա կանաչ լույս վառել այնպիսի հիվանդությունների բուժման համար, ինչպիսիք են աուտիզմն ու շիզոֆրենիան:

Հարցեր, պատասխաններ, մեկնաբանություններ