Պարզ ներարկումը կնվազեցնի ինֆարկտի և ինսուլտի վնասները

Այս շաբաթ Փրըսիդինգ օֆ դը Նեյշընըլ Ըքադամի օֆ Սայընսիս (Proceedings of the National Academy of Sciences (PNAS)) ամսագիրը հրապարակում է կլինիկական թերապիայի յուրահատուկ ձեռքբերումը, որն ուղղված է արյան շրջանառության վատացման հետևանքով հյուսվածքների կորստին և օրգանների ֆունկցիաների խանգարմանը` այնպիսի տարածված ախտահարումների ժամանակ, ինչպիսին սրտամկանի ինֆարկտն է, կամ գլխուղեղի իշեմիկ հիվանդությունը: Նոր թերապիան փոխպատվաստման արդյունքը դարձնում է ավելի արդյունավետ, նաև` ցանկացած վիրահատական գործընթաց, որտեղ կա արյան կորուստ:

Գիտնականները բացահայտեցին մանոսոկապող լեկտինային սպիտակուցը (MASP-2), որը լեկտինային ուղու լրացուցիչ ակտիվացման` իմունային համակարգի, կարևոր բաղադրիչ է:

Լեկտինային ուղին պատասխանատու է հյուսվածքների բորբոքային պատասխանին, որն առաջանում է, երբ օրգանները կամ հյուսվածքները  վերականգնում են արյան մատակարարումը իշեմիայի՝ արյան և թթվածնի  մատակարարման ժամանակավոր կորստի ժամանակ: Այս բորբոքային պատասխանը չափազանց մեծ է, որի պատճառով էլ մասնակիորեն պատասխանատու է նաև միոկարդի ինֆարկտից և ուղեղի արյան շրջանառության խանգարումից մահացության համար:

Գիտնականներին հաջողվել է գտնել այս սպիտակուցի չեզոքացման միջոցը՝ նրա վրա թերապևտիկ հակամարմիններով ազդելով: Հակամարմնի միայն մեկ ներարկումը կենդանուն ճնշում է մոլեկուլային այն գործընթացները, որոնք իշեմիկ նոպաների ժամանակ վնասում են հյուսվածքներն ու օրգանները`  դրանով իսկ ապահովում դրական արդյունքներ:

Հարցեր, պատասխաններ, մեկնաբանություններ