Բրիտանացի գիտնականները Ալցհայմերի հիվանդության հասկացման մեջ առաջընթաց են գրանցել

Սաուտգեմպտոնի համալսարանի դոկտոր Ամրիտպալ Մադհերը հայտնել է Ալցհայմերի հիվանդության ինդիկատորի գլխավոր տաու սպիտակուցի ուսումնասիրության բնագավառում իր բացահայտումների մասին:

Առողջ նյարդային բջիջները արտադրում են տաու, սակայն Ալցհայմերի համախտանիշի դեպքում արտադրվում է տաուի ոչ նորմալ ձևը, որը չի կարող իր ֆունկցիաները ճիշտ կատարել: Դոկտոր Մադհերը բացահայտեց, որ ոչ նորմալ տաուները ոչ միայն քայքայում են նյարդային բջիջները, այլ նաև ազդում են իրենց շուրջը գտնվող նորմալ տաուների վրա:

Alzheimer's Society հետազոտության ղեկավար դոկտոր Սյուզաննա Սորենսենն ասում է, որ դոկտոր Մադհերի բացահայտումները կարևոր տեղեկատվություն են տալիս այն  մասին, թե ինչպես է առանցքային  սպիտակուցն ազդում Ալցհայմերի համախտանիշի դեպքում: Հետաքրքիր է, որ ոչ նորմալ տաուների լրացուցիչ ակտիվությունն օգնում է բացահայտել բջջի վրա ազդեցությունը: Որքան շատ ենք մենք հասկանում տաուի աշխատանքը, այնքան մոտ ենք բուժման նոր մեթոդներին:

Հարցեր, պատասխաններ, մեկնաբանություններ