Որքան քիչ են խալերը, այնքան բարձր է մելանոմայի վտանգը. med.news.am

Մարմնին խալերի մեծ քանակություն ունեցող մարդիկ ավելի հաճախ են բախվում մաշկի քաղցկեղին, բայց խալերի նվազագույն քանակություն ունեցողներն ավելի հաճախ են հիվանդանում մաշկի քաղցկեղի ամենաագրեսիվ տեսակով` մելանոմայով: Նման եզրակացության են հանգել Beth Israel Deaconess Medical կենտրոնի հետազոտողները: 

Իրենց հետազոտության համար գիտնականներն ուսումնասիրել են մելանոմայով հիվանդ 281 մարդու հիվանդության պատմությունը: 89 հոգին ավելի քան 50 խալ է ունեցել, իսկ 192-ը` 50-ից պակաս: Հենց այդ հիվանդների մոտ է դիտարկվել մելանոմայի առավել ագրեսիվ տեսակը և հաճախ ախտորոշել են վերջին փուլում, :

Փորձը ցույց է տալիս, որ բժիշկները մաշկի քաղցկեղի վտանգի վերաբերյալ ավելի հաճախ են զրուցում այն հիվանդների հետ, ովքեր մեծ թվով խալեր ունեն: Բայց նրանք, ովքեր խալերի նվազագույն քանակություն ունեն, իրենց պաշտպանված չպիտի զգան, ինչպես ցույց է տվել այս հետազոտությունը:

Հարցեր, պատասխաններ, մեկնաբանություններ