Հայտնաբերված է տղամարդկային ճաղատության գաղտնիքը. հետազոտություն

ԱՄՆ-ի Փենսիլվանիայի համալսարանի գիտնականներին հաջողվել է պարզել տղամարդկային ճաղատանալու գաղտնիքը, տեղեկացնում է «Բի-Բի-Սի»-ն:

Գիտնականները հետազոտության ընթացքում պարզել են, որ տղամարդկանց մոտ ճաղատանալու վտանգ է հիմնականում նկատվում այն դեպքերում, երբ մազային սոխուկի բջջիջների սպիտակուցային պրոստագլանդին D-ի մակարդակն աճում է:

Լաբորատոր մկների մոտ սպիտակուցային պրոստագլանդին D-ի մակարդակն արհեստականորեն աճացրել են, ինչի արդյունքում մկներն ամբոջությամբ մազաթափ են եղել:

Գիտնականները ելնելով այս հայտնագործությունից արդեն սկսել են նոր դեղամիջոցներ մշակել, որը կկանխի մազաթափությունը:

«Այս հայտնագործության շնորհիվ, այժմ մենք գիտենք, թե մազաթափությունից խուսափելու համար ինչի դեմ պետք է պայքարել», - ասել է պրոֆեսոր Ջորջ Կոցարելիսը:

Նշենք, որ տղամարդկանց մեծամասնության մոտ գլխի մազաթափությունը սկսվում է միջին տարիքում, իսկ 70 տարեկանից բարձր տղամարդկանց շուրջ 80%-ի մոտ նկատվում է ակնհայտ ճաղատություն:

Հարցեր, պատասխաններ, մեկնաբանություններ