Պաշտպանություն վիրուսից. ի՞նչ անել կորոնավիրուսով վարակի կասկածի դեպքում. armeniamedicalcenter.am

Եթե առկա է հետևյալ ախտանիշներից առնվազն մեկը.

• հազ,
• ջերմություն > 38 °C,
• դժվարացած շնչառություն,
• ցավ կոկորդում,

գնահատեք և գործեք առողջական վիճակին համապատասխան, եթե.

• ախտանիշները թեթև կամ չափավոր են, մնացեք տանը, հետևեք Ձեր վիճակին և մեկուսացեք,
• ախտանիշները ծանր են  (ջերմությունը > 38°C, հազ)՝ մնացեք տանը և զանգահարեք Ձեր ընտանեկան բժշկին կամ տեղեկատու,
• առողջական վիճակը կրիտիկական է (դժվարացած շնչառություն և անհետաձգելի օգնության կարիք ունեք ), զանգահարեք շտապօգնություն,
• սերտ շփում եք ունեցել COVID-19-ով վարակված մարդու հետ, մնացեք տանը, հետևեք Ձեր վիճակին և մեկուսացեք:

Տնային մեկուսացում

Տնային մեկուսացումը նախազգուշական միջոցառում է՝ ուղղված վարակիչ հիվանդության տարածման կանխարգելմանը: Մարդիկ որքան քիչ են այցելում տարբեր տեղեր և ունենում սոցիալական շփումներ, այնքան ցածր է վարակման ռիսկը: Մեկուսացումը պետք է տևի 14 օր, քանի որ այդ ընթացքում պետք է դրսևորվեն հիվանդության ախտանիշները: Եթե այն տեղի ունենա, պետք է մնալ տանը մինչև ապաքինվելը կամ շտապօգնություն կանչել, եթե առողջական վիճակը վատթարանա:

Կորոնավիրուսային հիվանդությունը, սովորաբար, թեթև ձևով է ընթանում, սակայն տարեցների և ցածր իմունային համակարգով մարդկանց մոտ ախտանիշները կարող են վերածվել ծանր թոքաբորբի: Երբ մենք մնում ենք տանը, այդ մարդկանց չենք վարակում վիրուսով:  

Եթե Ձեզ ախտորոշել են COVID-19 կամ կասկածում եք, որ հիվանդացել եք, ապա ցանկացած ախտանիշի դեպքում մնացեք տանը և դիմեք ընտանեկան բժշկին: Խուսափեք այլ մարդկանց հետ շփվել, հետևեք ձեռքերի և շնչական ուղիների հիգիենային և հնարավորին, առանց շփման տուն առաքել բոլոր անհրաժեշտ իրերն ու սնունդը:  Հոգեկան առողջությունը ևս ուշադրություն է պահանջում. միայնակ մի մնացեք, շփվեք Ձեր հարազատների հետ կապի միջոցներով (օրինակ, սոցիալական ցանցերի, Skype-ի և այլ հավելվածների միջոցով, որոնք հնարավորություն են տալիս շփվել և տեսնել ուրիշներին): Սովորություն ունեցեք ամեն օր շփվել այլ մարդկանց հետ (եթե մինչև հիմա դա չեք արել): Երբ գտնվում եք մեկուսացման մեջ, այդ շփումը առանձնահատուկ կարևոր է:

Ուրիշների հետ խոսելով՝ հետևեք, որ կորոնավիրուսը ձեր խոսակցության հիմնական թեման չլինի:

Հիշեցում

• Խորհուրդ չի տրվում տատիկի կամ պապիկի հետ թողնել նույնիսկ առողջ երեխաներին, քանի որ երեխաների հիվանդության դեպքում տարեցները բարձր ռիսկի են ենթարկվում:
• Շատ կարևոր է նվազեցնել մարդկանց շփումները, քանի որ այլ կերպ հնարավոր չէ դադարեցնել հիվանդության տարածումը:    
• Մոտակա ժամանակ նաև պետք է խուսափել ծերանոցների միջև տեղաշարժերը և նոր բնակիչների ընդունումը: Այն տարեցները, ովքեր խնամքի կարիք ունեն, անհրաժեշտ ծառայություններ ստանալու համար պետք է դիմեն տեղի ինքնակառավարման մարմիններ:
• Մեզ մոտ` Հայաստանում, դիմակների կրումը պարտադիր է, քանի որ դիմակը շատ լավ լրացուցիչ միջոց է հեռավորություն պահպանելու, ձեռքերի և շնչական ուղիների հիգիենայի համար: Հասարակական վայրերում կամ անխուսափելի սերտ շփման ժամանակ դիմակ պետք է կրեն բոլորը ՝ անկախ ախտանիշների առկայությունից: Դիմակ պետք է կրեն նաև նրանք, ովքեր շփվել են կորոնավիրուսով հիվանդի հետ, նույնիսկ, եթե ախտանիշները բացակայում են: Դիմակ պետք է կրել բազմամարդ փակ շինություններ այցելելիս, այդ թվում` խանութներ, առևտրի կենտրոններ, հասարակական տանսպորտ և այլն: Այս կանոնին պետք է խստորեն հետևել այն շրջաններում, որտեղ առաջացել են հիվանդության նոր բռնկումներ:  Դիմակ պետք է կրել նաև բաց օդում՝ մարդաշատ վայրերում, երբ այլ մարդկանց նկատմամբ հնարավոր չէ հեռավորություն պահել: Կարևոր է ճիշտ՝ առանց վարակվելու, հագնել, կրել և հանել դիմակը: Դիմակը հանելուց հետո պետք է ձեռքերը ախտահանել:

Խորհուրդ է տրվում հետաձգել կամ չեղարկել բոլոր ընտանեկան տոները, երեկույթները և այլ միջոցառումները: Եթե իրադարձությունը բացարձակ անխուսափելի է, պետք է այն իրականացնել հնարավորին փոքր խմբով՝ հետևելով հաստատված անվտանգության պահանջներին:  Անհրաժեշտության դեպքում, կարելի է խորհրդակցել մասնագետի հետ: 

Հարցեր, պատասխաններ, մեկնաբանություններ