Արդյոք՞ անհրաժեշտ է ցինկ-ի օգտագործումը կովիդ -19 հիվանդների կանխարգելման և առավել եվս բուժման ժամանակ. ՈՉ. Լամարա Մանուկյան

Ցավոք, ինչպես ցինկի, այնպես էլ մյուս վիտամինների ու հանքային նյութերի արդյունավետությունը, կորոնավիրուսի կանխարգելման և բուժման համար դեռ ապացուցված չէ, չնայած որ շատ հետազոտություններ են իրականացվել տարբեր երկրներում:

 Այս միկրոտարրի/միկրոէլեմենտի արդյունավետության մասին լուրերը ակտիվորեն տարածվում են սննդային հավելումներ արտադրողների կողմից, որոնք, ըստ New York Times- ի, համաճարակի ընթացքում ցինկի պատրաստուկներից վաստակել են 134 միլիոն դոլար:  ԱՄՆ-ի սննդի և դեղերի վարչությունը (FDA) նախազգուշական նամակներ է ուղարկել հինգ ընկերությունների ՝ ցինկի հավելումները գովազդելով, որպես կորոնավիրուսի «ոսկե հաբ»:

Եվս մեկ անգամ նշեմ, որ ցինկը ոչ մի կերպ չի պաշտպանում կորոնավիրուսից:  Եթե ցինկը ունենար նվազագույն արդյունավետություն, այն արդեն ներառված կլիներ ամբողջ աշխարհում COVID-19- ի կանխարգելման և բուժման ուղեցույցներում :

Այո, ցինկը կարևոր միկրոտարր է, որն անհրաժեշտ է մեր օրգանիզմի լիարժեք գործունեության համար:  Այն մասնակցում է սպիտակուցների և ԴՆԹ-ի սինթեզմանը, ինչպես նաև հորմոնների արտադրությանը, նպաստում է մկանների աճին և վերականգնմանը, մաշկի առողջությանը, վերքերի ապաքինմանը, բարելավում է մարսողությունը, բարձրացնում է օրգանիզմի դիմադրողականությունը և օգնում է իմունային համակարգին պայքարել վարակների և մրսածության դեմ:  Այո ցինկն արագացնում է մրսածությունից /բայց ոչ կովիդ19/ վերականգնումը շուրջ 33% -ով:  Սա նշանակում է, որ ընդհանուր մրսածության դեպքում, որը տևում է մոտ մեկ շաբաթ, կարող եք հիվանդ լինել երկու օր պակաս:  Կարևորը առաջին ախտանշանների ի հայտ գալուց հետո 24 ժամվա ընթացքում սկսել  ընդունել, այն է ցանկալի է օգտագործել բերանում ներծծվող հաբերը, որոնք ապացուցել են իրենց արդյունավետությունը:
 

Ցինկի պակասությունը գրանցվում է ամբողջ աշխարհում շուրջ 2 միլիարդ մարդկանց մոտ, հատկապես սոցիալապես անապահով խավերի:  Ցինկը առկա է բազմաթիվ բուսական և կենդանական սննդամթեքներում, և բավարար սննդակարգ ունենալու դեպքում, ցինկի պակաս չի լինի։
 

Ցինկը շատ նենգ միկրոտարր է, և այն ինքնուրույն օգտագործելը հղի է լուրջ կողմնակի ազդեցություններով։ Սրտխառնոց, ուժեղ փսխում, լուծ, ցավեր, գլխացավեր, «լավ» HDL խոլեստերինի մակարդակի իջեցում։ Այս բոլոր ախտանիշները ցինկի «ինքնաբուժման» հնարավոր հետևանքներն են:  Պարբերաբար ընդունելու դեպքում  թույլատրելի դեղաչափից ավել (որը դժվար է հաշվարկել առանց բժշկի նշանակման), դա կարող է հանգեցնել պղնձի ՝ մեկ այլ կարևոր հանքանյութի պակասի:  Բացի այդ, ցինկը կարող է թուլացնել որոշ դեղամիջոցների ազդեցությունը:
 

Ցինկը բավարար մակարդակը պահպանելու լավագույն միջոցը հավասարակշռված սննդակարգն է:

Ցինկ պարունակող սննդամթերքներն են.

• միս. տավարի միս, խոզի միս և գառ, թռչնամիս՝ հնդկահավ և հավ;
• բանջարեղեն ՝ կաղամբ, ոլոռ, ճակնդեղ, ծնեբեկ;
• ձուկ և ձննամթերք;
• հատիկաընդեղեն ՝ լոբի, ոսպ, սիսեռ;
• ընկույզ և սերմեր `դդմի և արևածաղկի  սերմեր;
• կաթնամթերք `կաթ, յոգուրտ, մածուն, կաթնաշոռ և պանիր:
• հացահատիկային մշակաբույսեր ՝ վարսակ/գերկուլես/, շագանակագույն բրինձ, քվինոա;
• խեցեմորթներ ՝ ոստրեներ, խեցգետիններ, միդիաներ;
• ձու

Իհարկե, նաև մաքուր օդին   զբոսնելը, բավարար ֆիզիկական ակտիվությունն ու լավ քունը կօգնեն ամրապնդել իմունային համակարգը:
Եղեք իրազեկված, պաշտպանված, լավատես  և առողջ։

ՀԱՂԹԵԼՈՒ ԵՆՔ ԵՐԿՈՒ ԹՇՆԱՄԻՆԵՐԻՆ։

Հարցեր, պատասխաններ, մեկնաբանություններ