ՄԻԱՎ-ի և հեպատիտ C-ի դեմ միջոցները հաջողությամբ փորձարկվել են կորոնավիրուսով պացիենտների վրա

Հեպատիտ C-ի բուժման համար կիրառվող դեղորայքը կարելի է համարձակորեն կիրառել կորոնավիրուսով հիվանդների համար, հայտարարել են բժիշկները: Ուշադրության կենտրոնում հայտնվել է Դանոպրեվիրը: Այն Ռիտոնավիրի հետ միասին (նշանակվում է ՄԻԱՎ-ով հիվանդներին) փորձարկման շրջանակներում նշանակվել է կորոնավիրուսի չափավոր արտահայտված ընթացքով 11 հիվանդի, հաղորդում է The Daily Mail:

Հետազոտողները պարզել են, որ վերոնշյալ համակցությունն անվտանգ է, կողմնակի լուրջ ազդեցություններ չունի: Այն ներմուծվել է  4-12 օրվա ընթացքում: Արդյունքում բոլոր հիվանդներն ապաքինվել են: Կորոնավիրուսի ամենաարագ բացասական թեստը ստացվել է  բուժումն սկսելուց մեկ օր անց, իսկ վերջինը՝ 8 օր անց:  Պացիենտներին հիվանդանոցից դուրս են գրել նրանց մարմնի ջերմաստիճանի կարգավորումից, շնչառության բարելավումից, սքանավորման ժամանակ թոքերի վիճակի լավացումից հետո, ինչպես նաև վիրուսի բացակայությունը հաստատող երկու բացասական թեստից հետո:

Հայտնի է, որ ռիտոնավիրը փորձարկվում է նաև այլ վայրերում, այդ թվում՝ Օքսֆորդի համալսարանում: Բացի այդ, փորձարկվում են նաև այլ դեղներ, ներառյալ` հակագրիպային դեղերը (ֆավիպիրավիր), Էբոլայի դեմ դեղը (Ռեմդեսիվիր), ՄԻԱՎ-ն ընկճող դեղորայքը (Լոպինավիր/Ռիտոնավիր): Ուշադրության է արժանացել նաև հակամալարիային քլորոքվինը: Այն կիրառում են նաև ռևմատոիդ արթրիտի և համակարգային կարմիր գայլախտի բուժման ժամանակ:

Հարցեր, պատասխաններ, մեկնաբանություններ