Բժիշկը պատմել է կորոնավիրուսի դեմ դեղի մասին, որը ստեղծվել է 70 տարի առաջ

Բժիշկ-թերապևտ Զաքար Լեյկինը Russia Today հրատարակչությանը պատմել է մի դեղի մասին, որով այսօր բուժում են նոր տեսակի կորոնավիրուսով հիվանդներին: Ուշագրավ է, որ այն ստեղծվել է դեռևս 70 տարի առաջ: Խոսքը հիդրօքսիքլորոքվինի մասին է: Այս դեղով ավելի քան կես դար բուժել են մալարիայիով հիվանդներին:

Լեյկինի կարծիքով «մոռացված» դեղի արդյունավետությունը պայմանավորված է նրանով, որ մալարիայի հարուցիչը և կորոնավիրուսն ունեն ազդեցության ընդհանուր մեխանիզմներ, որոնք ընկճում են մարդկային օրգանիզմի բջջային պաշտպանությունը:  

«Դեղը կարող է ազդել բջջի վիրուսով վարակման բոլոր փուլերի վրա՝ վիրուսի ամրացում, վերջինիս ներթափանցում, ապապատիճավորում և կրկնապատկում: Հիմնականում գերիշխում է այն տեսությունը, որ հիդրօքսիքլորոքվինը արգելակում է վիրուսի ներբջջային ապապատիճավորումը»,- բացատրել է թերապևտը: .

Լեյկինն ընդգծել է, որ հիդրօքսիքլորոքվինն ունի նաև կողմնակի ազդեցություններ: Դեղը չափազանց թունավոր է օրգանիզմի համար, ինչպես նաև բացասաբար է ազդում աչքի ցանցենու վրա:

 

Հարցեր, պատասխաններ, մեկնաբանություններ