Գիտնականներն ապացուցել են, թե ինչով են վտանգավոր անտիբիոտիկները գրիպի ժամանակ. armeniamedicalcenter.am

Մրսածական հիվանդությունների առաջին նշանների ժամանակ շատերն անմիջապես հակաբիոտիկներ են ընդունում: Եվ դա սովորական վարակը կարող է դարձնել մահացու. գրում է The Independent-ը: Ֆրենսիս Կրիկի Ինստիտուտի աշխատակիցները պատմում են, որ աղիքային մանրէներն օգնում են իմունային համակարգը նախապատրաստել վիրուսի թոքեր թափանցման առաջին նշաններին պատասխանելուն:

Նրանք թույլ են տալիս հակավիրուսային գեներին թոքերի մակերեսում մնալ ակտիվ և պատրաստ` պատասխան տալ ցանկացած ժամանակ:

Աղիքային մանրէներն ազդանշան են ուղարկում, որը  թոքերի բջիջներին պահում է պատրաստի վիճակում և թույլ չի տալիս վիրուսին արագ բազմանալ:

Այդպիսով, նրանք կարևոր են վարակը ճնշելու համար: Բայց հակաբիոտիկները սպանում են այդ մանրէներին:

Փորձ է արվել մկների վրա, որի շրջանակում գրիպի ֆոնի վրա հակաբիոտիկների օգտագործումը 3 անգամ ավելի հաճախ է բերել մահվան` համեմատած առանց դեղորայքային միջամտության ընթացող գրիպի: Մկների 1/3-ն ապրել է հակաբիոտիկների ընդունած կուրսից հետո: Առանց դեղորայքի առողջացել են մկների 80 տոկոսը: Ընդ որում, հակբիոտիկներ ստացող մկների մոտ թոքերում վիրուսը 5 անգամ ավելի էր, քան մնացածների մոտ: Նշանակում է, նրանց իմունային համակարգին անհրաժեշտ էր վարակը ճնշելու համար լրացուցիչ ջանքեր ներդնել:

Հարցեր, պատասխաններ, մեկնաբանություններ