Սալիցիլաթթուն կարող է անուղղակիորեն նպաստել վարակներին

Բուսակերությունը կարող է բարձրացնել ոսկեգույն ստաֆիլոկոկի վարակի ռիսկը: Բուսական հորմոն սալիցիլաթթուն ամենատարածված ցավազրկող և հակաբորբոքիչ միջոցներից է: Սակայն, ինչպես պարզել է գիտնականների միջազգային խումբը, այն կարող է ուժգնացնել ոսկեգույն ստաֆիլոկոկի ակտիվությունը:

Վիեննայի Անասնաբուժության համալսարանի Մանրէաբանության ինստիտուտից ավստրիացի հետազոտող Մոնիկա Էլինգ-Շուլցը՝ Արգենտինայից իր գործընկերների հետ միասին, ցույց տվեց, որ սալիցիլաթթուն երկաթի իոնների հետ առաջացնում է կոմպլեքս միացություններ: Երկաթի նվազեցման պատճառով ստաֆիլոկոկերն ակտիվանում են և ամրացնում իրենց կենսաթաղանթը: Այդպիսի պայմաններում նրանք ավելի կայուն և կենսունակ են դառնում:

Մարդը սալիցիլաթթու ստանում է մրգեր և բանջարեղեն օգտագործելիս: Բուսակերությամբ կենսակերպը, ինչպես նաև նյութի ընդունումը դեղի ձևով,  կարող է նպաստել շնչառական ուղիներում ոսկեգույն ստաֆիլոկոկի վերաբնակեցմանը:

Հարցեր, պատասխաններ, մեկնաբանություններ