Հեպատիտը ճանաչել են մարդկության գլխավոր սպառնալիքը. 1in.am

Լոնդոնի կայսերական քոլեջի և Վաշինգտոն նահանգի համալսարանի հետազոտողները պարզել են, որ վիրուսային հեպատիտը դարձել է մահերի և հաշմանդամության հիմնական պատճառներից մեկն աշխարհում: Հիվանդությունը դասվել է նույն շարքին տուբերկուլոզի, մալարիայի և ՄԻԱՎ-ի հետ: Մամլո հաղորդագրությունը հրապարակվել է EurekAlert! կայքում:

Գիտնականները վերլուծել են 1990-2013 թթ. հավաքված 183 երկրի տվյալներ: Ինչպես հայտնի է՝ վիրուսային հեպատիտը գոյություն ունի 5 ձևով՝ A, B, C, D և E, և կարող է փոխանցվել մարմնական հեղուկների, սննդի, ըմպելիքի միջոցով: Հետազոտության արդյունքներով՝ մահացու դեպքերի 96%-ի պատճառը հեպատիտ В և С-ի վիրուսներն են, որոնք առաջացնում են լյարդի քաղցկեղ և ցիրոզ:

Վիրուսային հեպատիտների պատճառով մահերի թիվը 23 տարում աճել է 63%-ով: Մահացությունն ավելի բարձր է եղել եկամտի բարձր և միջին մաիարդակ ունեցող երկրներում, քան ցածր աշխատավարձով երկրներում: Հիվանդությունից տարեկան 1,45 մլն մարդ է մահանում, իսկ տուբերկուլոզից և մալարիայից մահացածների թիվը նվազել է սկսած 1990 թվականից: Համեմատության համար՝ 2013 թ. ՁԻԱՀ-ից մահացել է 1,3 մլն մարդ, 1,4 մլն` տուբերկուլոզից և 855 000՝ մալարիայից: Հեպատիտից ամենաշատը տառապում է Արևելյան Ասիայի բնակչությունը:

Հարցեր, պատասխաններ, մեկնաբանություններ