Ջրծաղիկով հիվանդացածներն ավելի հազվադեպ են ուղեղի քաղցկեղով հիվանդանում. news.am

Երեխաների վարակվելը ջրծաղիկը հոգս է պատճառում նրանց ծնողներին, սակայն, պարզվում է, որ դրա մեջ օգտակարություն նույնպես կա. Baylor College of Medicine -ի գիտնականները պարզել են, որ մանուկ հասակում ջրծաղիկով հիվանդացածները հազվադեպ են ուղեղի քաղցկեղ՝ գլիոմա ունենում:

Գիտնականները Մելիսա Բոնդիի ղեկավարությամբ ուսումնասիրել են ավելի քան 8000 մարդու տվյալներ ու գտել փոխադարձ կապ ջրծաղիկով հիվանդացության ու ուղեղի չարորակ ուռուցքների առաջացման հավանականության միջեւ ՝ գլիոմայի առաջացման վտանգը 21 տոկոսով ցածր էր ջրծաղիկով հիվանդացածների մոտ: Ջրծաղիկով հիվանդացածների մոտ ամենահազվադեպն էր ախրորոշվում ցածր դիֆերենցացված գլիոման:

Գիտնականների խոսքով՝ ավելի վաղ համարժեք արդունքներ էին ստացել նաեւ ավելի փոքր ծավալներով հետազոտություններ, իսկ նոր վերլուծությունը, փաստորեն, հաստատել է դրանք: Ջրծաղիկի ու ուղեղի ուռուցքի զարգացման հավանականության նվազման կապը պատահական չէ, սակայն դրա առաջացման մեխանիզմը դեռ պետք է ուսումնասիրել: Բացի դրանից, գիտնականները մտադիր են պարզել, արդյո՞ք ջրծաղիկի դեմ պատվաստումը կօգնի պաշտպանել ուղեղի քաղցկեղից:

Հարցեր, պատասխաններ, մեկնաբանություններ