Գիտնականներն առաջարկում են վարակները բուժել անվնաս մանրէներով. news.am

Հակաբիոտիկների նկատմամբ կայուն Clostridium difficile (C.diff) մանրէներով շատերը վարակվում են հիվանդանոցներում: Սովորաբար այդպիսի մանրէները բուժվում են հակաբիոտիկներով, սակայն այժմ Loyola University Chicago Stritch School of Medicine-ի գիտնականներն առաջարկում են պայքարել դրանց դեմ այդ նույն բակտերիաների «անվնաս» տեսակների միջոցով:

Ամերիկյան գիտնականներն առաջարկում են հիվանդներին ներարկել C.diff-ի անվտանգ շտամերը, որոնք որեւէ տոքսին չեն արտադրում: Ավելի վաղ իրականացրած հետազոտությունները ցույց են տվել, որ անվտանգ մանրէները կանխում են վարակի կրկնումն ու զարգացումը: Անվտանգ այս մանրէները կանխում են վարակների կրկնվելու հավանականությունը ընդհուպ մինչեւ 5 տոկոս: Բուժման այս մեթոդի արդյունավետությունն արդեն ապացուցված է:

Հիշեցնենք, որ հակաբիոտիկների նկատմամբ կայուն մանրէները լուրջ խնդիրե են դարձել հիվանդանոցների համար: Ստացիոնարում գտնվելու ընթացքում հիվանդների 5-12 տոկոսը վարակվում են դրանցով:

C.diff-ով վարակման հետեւանքները կարող են շատ լուրջ լինել՝ ընդհուպ միչեւ պսևդոմեմբրանոզ էնտերոկոլիտ եւ տոքսիկ մեգակոլոն, որոնք վիրահատություն են պահանջում եւ նույնիսկ կարող են մահացու լինել: 

Հարցեր, պատասխաններ, մեկնաբանություններ