Սենյակային ճանճը մարդկությանը կփրկի որովայնային տիֆից և տուբերկուլյոզից. 1in.am

ԱՄՆ-ի, Նիդեռլանդների, Շվեյցարիայի և Բրիտանիայի գիտնականներն ուսումնասիրել են ճանճերի և պաթոգեն հիվանդություններ կրողների համատեղ անվտանգ կյանքի գենետիկ ֆոնը:

Գիտնականներին հետաքրքրել են միջատի գեները, որոնք կարող են օգտակար լինել պաթոգեն պայմաններում մարդու հարմարվելուն: Իրենց ուսումնասիրության արդյունքները հեղինակները հրապարակել են Genome Biology ամսագրում:

Սենյակային ճանճը մարդու և կենդանիների ավելի քան հարյուր հիվանդություններ է փոխանցում, այդ թվում նաև որովայնային տիֆ, տուբերկուլոզ և հելմինտոզներ, սակայն ինքը՝ միջատը, դրանցով չի վարակվում: Ամեն տարի Musca ճանճը մանկական կուրության մինչև վեց միլիոն դեպքի պատճառ է դառնում:

Գիտնականները կարծում են, որ սենյակային ճանճի գեների ուսումնասիրությունը կարող է օգնել հասկանալու, թե ինչպես այդ միջատը չի վարակվում մարդու համար պաթոգեն հիվանդություններով: Այնուհետև բիոտեխնիկայի օգնությամբ, ինչպես ենթադրում են մասնագետները, հնարավոր կդառնա դեղորայք ստեղծել, որը մարդուն կօգնի ավելի հեշտ դիմակայել որովայնային տիֆին, տուբերկուլոզին և նույնիսկ մարդու օրգանիզմը դրանց նկատմամբ դիմացկուն դարձնել:

Հարցեր, պատասխաններ, մեկնաբանություններ