Քաղցկեղից տառապող 7-ամյա աղջկան փրկել են ՄԻԱՎ-ի օգնությամբ

Ֆիլադելֆիայում 7-ամյա աղջնակի ծնողները, երեխային լեյկեմիայից բուժելու այլ միջոց չգտնելով, գիտակցաբար նրան վարակել են ՄԻԱՎ ինֆեկցիայով, որը սպանել է քաղցկեղային բջիջները: Այս մասին հայտնում է news.vse42.ru պորտալը:

Էմիլին քաղցկեղով է տառապել երկու տարի: Նրա վիճակը գնալով վատացել է, և ինչ-որ պահի բժիշկները նրա ծնողներին ընտրության առջև են կանգնեցրել: Նրանց առաջարկվել է երեխային վարակել ՄԻԱՎ-ի պասիվ ձևով, սակայն երաշխիքներ, որ այն կգործի, չեն եղել:

Ծնողները 48 ժամ ունեին որոշում ընդունելու համար: Եթե նրանք հրաժարվեին թեստային մեթոդիկայից, ապա երկու օրից նրանց դստեր ներքին օրգանները կսկսեին չգործել: Նրանք համաձայնել են:

Այդ միջոցը փորձարկվել էր չափահաս հիվանդների վրա, սակայն ոչ ոք չէր կարող երաշխավորել երեխայի բուժման հաջողությունը: Աղջկան բուժել են Ֆիլադելֆիայի մանկական հիվանդանոցում: 3 շաբաթ անց աղջիկը սկսել է ապաքինվել: Նույնիսկ մազերն են սկսել աճել: Հաջորդ տարի բժիշկները ծրագրում են այդ մեթոդով ևս 12 մարդու բուժել: 

Հարցեր, պատասխաններ, մեկնաբանություններ