Իրանում ավելացել է սեռական ճանապարհով ՁԻԱՀ-ով վարակվածների թիվը

Իրանական IRNA լրատվական գործակալության փոխանցմամբ՝ Իրանում ավելացել է սեռական ճանապարհով ՁԻԱՀ-ով վարակվածների թիվը: Երկրում գրանցված է մոտ 24,000 ՄԻԱՎ վարակակիր, սակայն չգրանցվածների թիվն անցնում է 70,000-ից: 

Այս մասին այսօր Թեհրանում ընթացող ՁԻԱՀ-ի դեմ պայքարի միջազգային կոնգրեսում հայտարարել է Իրանի առողջապահության նախարարության՝ ՁԻԱՀ-ի դեմ պայքարի վարչության պետ Աբբաս Սադակետը: Վերջինիս խոսքերով՝ եթե նախկինում սեռական ճանապարհով վարակվածների թիվը կազմում էր 7 տոկոս, ապա ներկայումս այն հասել է 10 տոկոսի: 

Իրանական գործակալության տվյալներով՝ ՄԻԱՎ վարակակիրների 69 տոկոսը վարակվել է թմրանյութեր ընդունելիս ոչ ստերիլ ներարկիչների միջոցով: Դա հիմնականում վերաբերում է երիտասարդ (25-34 տարեկան) անձանց:

Հարցեր, պատասխաններ, մեկնաբանություններ