Վայրի և ընտանի կենդանիներից մարդուն փոխանցվող վիրուսը կարող է առաջիկա 5 տարում ոչնչացնել մարդկությունը

Գիտնականները նախազգուշացնում են, որ մահացու վտանգավոր ինֆեկցիայի գլոբալ բռնկումը առաջիկա 5 տարում անխուսափելի է և կարող է հանգեցնել մարդկային վիթխարի կորուստների: Բրիտանացի բժիշկները գրանցել են կենդանիներից և միջատներից մարդուն փոխանցվող մահացու հիվանդություններով վարակման դեպքեր: Այս մասին գրում է Newsru.com-ը:

Օրերս Լոնդոնի հիվանդանոցներից մեկում 38-ամյա տղամարդ է մահացել: Նրա մոտ հայտնաբերվել էին Ղրիմ-Կոնգոյան տենդի ախտանշաններ: Հիվանդությունը արտահայտվում է ուժեղ գլխացավով, բարձր ջերմությամբ, հոդացավերով, որովայնային ցավերով, փխսմամբ, առաջանում է ներքին օրգանների անվերահսկելի արյունահոսություն: Տենդով վարակման դեպքերի 30 տոկոսն ավարտվում է մահվամբ: 

Այդ հիվանդությունը լայնորեն տարածված է Աֆրիկայում և Ասիայում՝ տնային կենդանիների մոտ: Նախկինում հիվանդության դեպքեր են արձանագրվել Ղրիմում, ՌԴ Աստրախանի, Ռոստովի մարզերում, Կրասնոդարի և Ստավրոպոլի երկրամասերում, Միջին Ասիայում, Չինաստանում, Բուլղարիայում, Հարավսլավիայում և աֆրիկյան երկրներում:

The Daily Mail-ի փոխանցմամբ՝ բրիտանացին հավանաբար վարակվել էր Աֆղանստանում եղբոր հարսանիքի ժամանակ: 

Բրիտանացի առաջատար վիրուսաբան Ջոն Օքսֆորդի խոսքով՝ շուտով կարող է ի հայտ գալ նոր սուպերգրիպ, որը վայրի և ընտանի կենդանիներից կփոխանցվի մարդկանց, և մահվան «շքերթը» աշխարհում կսկսվի Ասիայից կամ Աֆրիկայից: Պրոֆեսորն իր կանխատեսումն անում է պատմական օրինակների հիման վրա:

Հարցեր, պատասխաններ, մեկնաբանություններ