Մինչև 2050թ. ծխելու հետևանքով առաջացած տուբերկուլյոզից 40 մլն մարդ կմահանա. գիտնականներ

Մինչև 2050թ. մոտ 40 մլն ծխող կարող է մահանալ տուբերկուլյոզից։ Այս մասին հաղորդում է բրիտանական «Բի–Բի–Սի» հեռուստառադիոկորպորացիան՝ վկայակոչելով բրիտանացի գիտնականների ուսումնասիրության արդյունքները։

Գիտնականները նշում են, որ թոքերի վարակային հիվանդությամբ հիվանդանալու ռիսկը ծխելու սովորություն ունեցող մարդկանց մոտ երկու անգամ ավելի մեծ է, քան չծխողների մոտ։ Բրիտանական British Medical Journal գիտական ամսագրի կանխատեսումների համաձայն՝ տուբերկուլյոզով հիվանդանալու դեպքերի մեծ մասը գրանցվելու է Աֆրիկայի, Ասիայի և միջերկրածովյան երկրներում։

«Դեռևս 20 տարի առաջ Առողջապահության համաշխարհային կազմակերպությունը հայտարարել էր, որ  տուբերկուլյոզը մարդկության գլոբալ խնդիրներից մեկն է»,–նշում է տուբերկուլյոզ հիվանդությամբ զբաղվող գիտնականներից մեկը։

Հարցեր, պատասխաններ, մեկնաբանություններ