Դեպրեսիան առանց դեղորայքի հաղթահարելու երեք միջոց. news.am

Հակադեպրեսանտները կարող են մարդու առողջությանը վնաս հասցնել: Այդ պատճառով, առանց սուր անհրաժեշտության, դրանք օգտագործել խորհուրդ չի տրվում, պնդում են բրիտանացի գիտնականները:

Իհարկե, որոշ դեպքերում դեպրեսիան առանց դեղորայքի հաղթահարել անհնար է, սակայն գոյություն ունեն նաեւ ոչ դեղորայքային արդյունավետ միջոցներ, եթե խնդիրը դեռ չի հասցրել բարդանալ:

Ֆիզիկական ծանրաբեռնվածություն

Ֆիզիկական ծանրաբեռնվածությունը դեպրեսիայի բուժման եւ կանխարգելման ամենաարդյունավետ միջոցներից է, ինչն ապացուցված է բազմաթիվ գիտական վերլուծություններով: Դրա հետ համաձայն է նաեւ Սոցիալական հոգեբուժության համաշխարհային ասոցիացիայի նախագահ Թոմաս Կրեյգը (Մեծ Բրիտանիա): Կարելի է մարզասրահ այցելել կամ մարզվել տանը:

Հարաբերություններ

Ցանկալի է նաեւ սեփական կյանքից հեռացնել սթրեսային գործոնները՝ մարդկանց կամ հանգամանքները, որոնք նպաստում են սթրեսի ի հայտ գալուն: Օրինակ, եթե որեւէ մարդու հետ հարաբերությունները անտանելի են դարձել, դրանք ավելի լավ է ավարտել:

Ինքնավերլուծություն

Շատ օգտակար կլինի նաեւ զբաղվել ինքնավերլուծությամբ եւ հասկանալ՝ ինչն է Ձեր հոգեբանական դիսբալանսի պատճառը: Դա այնքան էլ հեշտ չէ, անհրաժեշտ է կամքի ուժ: Սակայն, եթե Դուք կարողանաք վերլուծել Ձեր սեփական խնդիրները եւ ազատվել դրանք պայմանավորող հանգամանքներից, Ձեր կյանքը շատ ավելի դյուրին կդառնա:

Հարցեր, պատասխաններ, մեկնաբանություններ