Ինչպես միավորել սեփական ցանկություններն ու հնարավորությունները

Համադրել սեփական ցանկություններն ու հնարավորությունները մի բան է, իսկ  ահա միավորել դրանք, ոչ բոլորին է հաջողվում: Դե,՛ եկեք փորձենք: Միգուցե Ձեզ մոտ ամեն ինչ կստացվի՞:

Առաջինը, գրավոր ֆիքսեք, թե ինչ կցանկանայիք ստանալ: Հնարավոր է, որ դա  լինի որևէ նյութական հարստություն, կամ միգուցե Դուք ցանկանում եք լավ հարաբերություններ հաստատել որևէ մեկի հետ,  ապրել ներդաշնակ ինքներդ Ձեզ հետ, կայանալ, լինել հաջողակ ու անկախ:

Երկրորդ, ժամանակ սահմանեք Ձեր բաղձալի նպատակին հասնելու համար, գոնե՝ մոտավորապես: Հնարավոր է, որ գիտակցումը, որ ժամանակ քիչ է մնացել, Ձեզ կտեղաշարժի մեռյալ կետից:Շատ հաճախ նման դեպքերում օրգանիզմը անցնում է, այսպես կոչված, օպերատիվ գործողության ռեժիմի:  Շատ հնարավոր է, որ հենց այդպես Դուք կարող եք գտնել ցանկությանը հասնելու Ձեր ուղին: Իսկ հիմա փորձեք ցուցակից ընտրել Ձեզ համար առավել կարևոր և ծայրահեղ անհրաժեշտ  երեք ցանկություններ:Համոզվեք, որ դուք վճռական և դրական եք տրամադրված, որ նրանք ոչ մեկին վնաս և անհանգստություն չեն պատճառի:

Այժմ պատասխանեք մի քանի հարցերի: Որքանո՞վ Ձեր ցանկությունները Ձեզ բավարարվածության, պաշտպանվածության և ապահովության զգացում կպատճառեն: Կարո՞ղ եք Դուք միայնակ գլուխ բերել այդ ամենից, թե՞ Ձեզ անհրաժեշտ կլինի  աջակցություն դրսից: Ինչպիսի՞ խոչընդոտներ Ձեզ անհրաժեշտ կլինի հաղթահարել նպատակին հասնելու ճանապարհին:

Հետո կազմեք  մի ցուցակ, որում հարկավոր է նշել այն ամենն, ինչ Դուք ունեք ցանկալին ստանալու համար: Դա կարող է լինել որևէ նյութական բան կամ կարողություններ, գիտելիքներ, հմտություններ,  սոցիալական կապեր և այլն:

Հիշեք, թե որքան հաճախ եք Դուք օգտվում վերը թվարկված հնարավորություններից: Գրառեք ամենավառ պահերը, երբ Ձեզ հաջովել է հասնել անգերազանցելի արդյունքի: Հիշեք գործողություններին և իրադարձություններին հաջորդող զգացմունքները: Աշխատեք ցուցաբերել հենց այդպիսի վարքագիծ: Իսկ այժմ նայեք  ինքներդ Ձեզ կողքից և մտածեք, թե արդյոք կարո՞ղ եք հասնել հաջողության:

 Ի՞նչ է անհրաժեշտ դրա համար և ինչպիսի՞ն են Ձեր շանսերը: Հետո ֆիքսեք բոլոր այն խոչընդոտները, որոնք կանգնած են բաղձալի նպատակին հասնելու ճանապարհին: Հնարավոր է, որ Ձեզ խանգարում են Ձեր բացասական սովորությունները, բնավորության  որոշ գծերը կամ ինչ-որ բան անել չկարողանալը: Այդպես գտեք այդ խնդրի լուծումը: Մի՛ ամաչեք մոդելավորել հաջողակ մարդկանց գործողությունները: Դա, համենայն դեպս, ավելի լավ է, քան ապրել և գործել անհաջողակի պես:

Այժմ յուրաքանչյուր նպատակի համար քայլ առ քայլ գծեք ճշգրիտ պլան: Օրինակ՝ ի՞նչ է պետք անել նպատակին հասնելու համար, ինչպիսի՞ արգելքներ են հարկավոր հաղթահարել և վերացնել:

 Հիշե՛ք, որ Ձեր առջև դրված նպատակները ընդամենը Ձեր անձի կայացման սկիզբն  են հանդիսանում և այդպիսին դառնալու համար պետք է դեռ շա՜տ բաներ սովորել:

Խիզախե՛ք:

Հարցեր, պատասխաններ, մեկնաբանություններ