Ակնոցավորներն, իսկապես, մյուսներից ավելի խելացի են. հետազոտություն. news.am

Կարճատեսություն ունեցող մարդկանց մոտ ճանաչողական ունակությունների մակարդակն ավելի բարձր է... Կարճատեսություն ունեցող մարդիկ հաճախ ավելի խելացի եւ լավ կրթված են, քան նրանք, ովքեր ակնոցի կարիք չունեն: Ըստ The Daily Mail-ի՝ այս մասին են վկայում Եվրոպայում անցկացված հետազոտության արդյունքները:

Մասնագետներին հետաքրքրել է Եվրոպայի երկրներում կարճատեսության դեպքերի աճը: Հետազոտությանը, ընդհանուր առմամբ, 3452 մարդ է մասնակցել: Ստուգել են կամավորների տեսողությունը, այնուհետեւ, համապատասխան թեստերի միջոցով` ինտելեկտի մակարդակը:

Արդյունքում կարճատեսություն ունեցող մարդկանց մոտ ճանաչողական ունակությունների ավելի բարձր մակարդակ է հայտնաբերվել:

Սակայն գիտնականները խոստովանում են, որ իրականում ավելի սերտ կապ է եղել ինտելեկտի մակարդակի եւ ուսման տեւողության միջեւ: Վերջին գործոնը ենթադրում է գրքերի եւ էկրանների հետ երկարատեւ շփում, ինքն էլ ազդում է աչքերի առողջության վրա:

Հարցեր, պատասխաններ, մեկնաբանություններ