Նոր դեղի ներարկումը կփրկի շաքարախտով հիվանդների տեսողությունը. news.am

Շաքարախտով հիվանդի աչքերի մեջ ռանիբիզումաբ դեղի ներարկումները կօգնեն բարելավել տեսողությունը եւ կանխարգելել կուրության զարգացումը: Այդ մասին տեղեկացնում են ամերիկյան ատլանտա քաղաքի Էմորիի համալսարանի գիտնականները:

Վերջին 40 տարվա ընթացքում շաքարախտով հիվանդները թերապիայի ոչ մի արմատականորեն նոր մեթոդ չեն ստացել, չնայած շաքարախտային ռետինոպաթիան այդ հիվանդության ամենատարածված բարդություններից է, եւ բուժման բացակայության պայմաններում կարող է կուրության հանգեցնել:

Շաքարախտային ռետինոպաթիան շաքարախտով հիվանդների տեսողության կորստի հիմնական պատճառն է համարվում, դրա բուժման ստանդարտ միջոցը լազերային վիրաբուժությունն է, որը կարող է պերիֆերիկ տեսողության կորստի եւ գիշերային տեսողության խնդիրների պատճառ դառնալ: Սակայն ռանիբիզումաբով նոր բուժումը հիվանդներին թույլ է տալիս պահպանել պերիֆերիկ տեսողությունը, այնպես որ, նրանք սկսում են առարկաներն ավելի հստակորեն տեսնել, ինչպես ցույց է տվել հատուկ աղյուսակի օգտագործմամբ թեստը: Տվյալ ներարկումներն անհրաժեշտ է կատարել ընդամենը երեք ամիսը մեկ անգամ:

Վերջերս աշխարհում էականորեն աճել է շաքարախտով տառապող չափահասների թիվը, նշանակում է` զգալիորեն ավելի մեծացել է մեր մոլորակի այն բնակիչների թիվը, ովքեր բախվել են այդ նյութափոխանակության խանգարման հետեւանքով տեսողության կորստի վտանգին:

Հարցեր, պատասխաններ, մեկնաբանություններ