Աշխարհում առաջին անգամ Մեծ Բրիտանիայում փոխպատվաստվել է ակնահատակի համար ցողունային բջիջներից ստացված իմպլանտ. 1in.am

Ռուսական TASS լրատվական գործակալության փոխանցմամբ՝ բրիտանացի ակնաբույժ Լինդոն Դա Կրուսն իրականացրել է ցողունային բջիջներից աճեցված ակնահատակի հյուսվածքի իմպլանտի տեղադրման վիրահատություն, որն առաջինն է աշխարհում։ Այս մասին հայտնել է լոնդոնյան Moorfields Eye Hospital ակնաբուժական կլինիկան։

Պրոֆեսոր Դա Կրուսը հայտարարել է, որ իրենք ոգևորված են, քանի որ իրենց հաջողվել է ստեղծել այդ յուրահատուկ բջիջները և դրանք պատվաստել հիվանդի աչքում։ Վիրահատության է ենթարկվել մի կին, ով տառապել է տարիքային մակուլյար դեգեներացիայից։ Վիրահատությունից արդեն անցել է մեկ ամիս, և հիվանդի առողջական վիճակում բացասական որևէ փոփոխություն չի գրանցվել։

Հարցեր, պատասխաններ, մեկնաբանություններ