Ընդամենը մեկ սպիտակուցի բլոկադան օգնում է կանխարգելել շաքարային դիաբետը. armeniamedicalcenter.am

Շատ հիվանդություններ զարգանում են տարբեր գենետիկ խանգարումների պատճառով: Եվ, ազդելով մեր գեների  և նրանց կողմից կոդավորվող սպիտակուցների վրա, որոշ հիվանդությունների զարգացումը կարելի է կանխարգելել: Վերջերս Ցինցիննատի /ԱՄՆ/ մանկական հիվանդանոցի Բժշկական կենտրոնի փորձարարների խումբը գտել է երկրորդ տիպի շաքարային դիաբետի և ճարպակալման կանխարգելման միջոց՝ բլոկադայի ենթարկելով ընդամենը 1 սպիտակուց:

Հրաշալի սպիտակուցը անվանվում է  Argonaute 2 (Ago2) և այն ճնշում է РНК-ի սինթեզը լյարդում՝ պահպանելով էներգետիկ բալանսը, կանխարգելելով լյարդի ճարպային հեպատոզի, երկրորդ տիպի շաքարային դիաբետի և ճարպակալման զարգացումը: Ինչպես հայտնում են հետազոտողները, Ago2 սպիտակուցը դանդաղեցնում է մետաբոլիզմը և լավացնում ճարպի մեծ պարունակությամբ սննդի մշակման  լյարդի ունակությունը:

Սպիտակուցի հետազոտումը գտնվում է ամենանախնական ստադիայում, բայց առաջին փորձերը լաբորատոր մկների վրա արդեն ապացուցել են իրենց արդյունավետությունը:

Փորձերի ընթացքում կենդանիներին բաժանել են 2 խմբի՝ առաջինը չի ստացել որևէ թերապիա, իսկ երկրորդի մոտ լյարդում բլոկադայի է ենթարկվել Ago2 սպիտակուցը: Երկու խմբերն էլ ստացել են միանման սնունդ՝  ճարպի մեծ քանակությամբ մթերքներ, որոնք երկար օգտագործելիս կարող են դառնալ 2 տիպի դիաբետի զարգացման պատճառ: Արդյունքում 1 խմբի մկների մի մասի մոտ սկսել է զարգանալ ճարպակալում և շաքարային դիաբետ, այն դեպքում, երբ 2 խմբի անալիզների արդյունքները ցույց են տվել ճարպային փոխանակման կայուն ցուցանիշներ և դիաբետի ու ճարպակալման նշաններ մկների մոտ չեն հայտնաբերվել: Ինչպես հայտարարել է աշխատանքների հեղինակներից մեկը, դոկտոր Տակախիս Նակամուրան՚

«Նյութափոխանակության պրոցեսներում Ago2 սպիտակուցի մասնակցության բացահայտումը խիստ կարևոր է և այն միավորում է լյարդում տարբեր միացությունների սինթեզի և էներգետիկ փոխանակության մասին արդեն եղած տվյալները: Մենք գտնում ենք, որ մեր տվյալները կդառնան հիմք՝ ճարպակալման և 2 տիպի շաքարային դիաբետի հակում ունեցող պացիենտների նոր տիպի թերապիայի համար»:

Հարցեր, պատասխաններ, մեկնաբանություններ