Աղիքային իմունային համակարգը պայքարում է շաքարախտի և ճարպակալման դեմ. tert.am

Լոնդոնի համալսարանական քոլեջի գիտնականների անցկացրած հետազոտությունները ցույց են տվել, որ իմունային հակահարված ապահովող MyD88 սպիտակուցն օգնում է կարգավորել քաշը և նվազեցնում է ճարպակալման հետ կապված 2-րդ տիպի շաքարախտի առաջացման ռիսկը: Այս մասին հաղորդում է Meddily.ru-ն` հղում կատարելով Zee News-ին:

Գիտնականներից բաղկացած խումբն ուսումնասիրել է ճարպակալման զարգացման և մեծ քանակությամբ ճարպեր պարունակող սննդի օգտագործումից առաջացած 2-րդ տիպի շաքարախտի մեխանիզմները:

Պարզվել է, որ աղիքային իմունային համակարգն ընդունակ է կարագավորել մարդկային օրգանիզմում տեղի ունեցող նյութափոխանակությունը:

Այսպիսով, քաշի նվազեցման և շաքարախտի ռիսկային գործոնի նվազեցման համար անհրաժեշտ է աղիքային իմունային համակարգի ակտիվությունը և հատկապես` բջիջներում MyD88 սպիտակուցի ապահովումը:

Հարցեր, պատասխաններ, մեկնաբանություններ