Նոր միջոց առաջին տեսակի շաքարային դիաբետի բուժման համար

Հնարավոր է, որ շուտով դիաբետով հիվանդներին այլևս անհրաժեշտ չի լինի ինսուլին ներարկել, քանի որ օրգանիզմն արդեն կկարողանա  էնդոկրին համակարգի այդ կարևորագույն բջիջներն ինքն արտադրել: 

Առաջին տեսակի շաքարախտը դասվում է աուտոիմուն հիվանդությունների շարքին, որի դեպքում քայքայվում են ենթաստամոքսային գեղձի ինսուլին արտադրող բջիջները: Ենթաստամոքսային գեղձը չի կարողանում վերարտադրել այդ բջիջները և առաջին տեսակի շաքարախտով հիվանդները ստիպված են ինսուլին ստանալ ներարկումով: 

Չնայած լաբորատոր պայմաններում հաջողությամբ աճեցնում են ինսուլին արտադրող բջիջներ, բայց դրանք փոխպատվաստման ենթակա չեն, քանի որ գլյուկոզա ստանալուն ի պատասխան` ինսուլին չեն արտադրում:

Կոլումբիայի համալսարանի գիտնականները գտել են այդ բջիջները հենց օրգանիզմում աճեցնելու մեթոդը: Նրանց անցկացրած հետազոտությունների ընթացքում որոշ նախակարապետ-բջիջներ մկների աղիներում փոխակերպվել են ինսուլին արտադրող բջիջների:

Նախակարապետ բջիջները կարող են ամենատարբեր բջիջների վերածվել, ներառյալ այնպիսիք, որոնք արտադրում են սերոտոնին և այլ հորմոններ, բայց բնական պայմաններում նրանք չեն կարող զարգանալ ու ենթաստամոքսային գեղձի բջիջներ դառնալ:

Սակայն, երբ «միացվեց» Foxo1 գենը, որը ծրագրավորում է նախակարապետ բջիջների հետագա փոխակերպումը, դրանք սկսեցին վերածվել ինսուլին արտադրող բջիջների, որը արյան հոսքի մեջ է անցնում և հասնում է ստամոքս-աղիքային ուղի: Հետազոտությունները շարունակվում են: 

Գիտնականների այս եզակի բացահայտմանը անդրադարձել է Nature Genetics ամսագիրը: 

Հարցեր, պատասխաններ, մեկնաբանություններ