Մասնագետ. ճարպակալում ունեցող հիվանդների 90 տոկոսը, վաղ թե ուշ շաքարային դիաբետով հիվանդ են դառնում

«Երևան» բժշկական կենտրոնի փոխտնօրեն, էնդոկրինոլոգ Բամինե Բաղրամյանն այսօր լրագրողների հետ հանդիպման ժամանակ խոսելով շաքարային դիաբետի մասին նշեց, որ հանրապետությունում շաքարային դիաբետով հիվանդների թվի աճ է գրանցվում:
ԱՀԿ տվյալներով, աշխարհում յուրաքանչյուր 4-րդ մարդը հիվանդ է շաքարային դիաբետով: Հայաստանը, ինչպես ասաց մասնագետը, մոտենում է այս ցուցանիշներին: Սպասվում է, որ այս հիվանդությամբ աշխարհում մի քանի տարի հետո կտառապի յուրաքանչյուր 3-րդը:

Մասնագետի խոսքով, սա լուրջ հիվանդություն է` լուրջ բարդություններով, որոնք, ցավոք, միանգամից ի հայտ չեն գալիս: Հիվանդության առաջացման հիմնական պատճառներից են սխալ սնվելու, աշխատելու ռեժիմներն ու սխալ ապրելակերպը, քանի որ ճարպակալումը կարող է շաքարային դիաբետի հանգեցնել:

Բ. Բաղրամյանը նշեց, որ ճարպակալում ունեցող հիվանդների 90 տոկոսը վաղ թե ուշ շաքարային դիաբետով հիվանդ են դառնում: Դրա համար մասնագետը խորհուրդ տվեց ակիտիվ ապրել, շատ քայլել, ճիշտ սնվել` ուտել օրվա ընթացքում մի քանի անգամ, ոչ թե մեկ անգամ և շատ: Հիվանդության հիմնական նշաներն են բերանի չորությունը, քաշի կորուստը, գիշերամիզությունն ու անըդհատ սովի զգացումը: Շաքարային դիաբետը կարող է վատ բարդություններ ունենալ: Սակայն, մասնագետը նշում է, որ ժամանակին բժշկին դիմելը, նրա ցուցումները կատարելը, շաքարի ճիշտ քանակությունն արյան մեջ պահպանելը հնարավորություն կտա խուսափել բարդություններից:

«Այս բոլոր ցուցումները կատարող հիվանդները կարող են հանգիստ ապրել ու նրանց կյանքի տևողությունը` առողջ մարդու կյանիք տևողությունից այնքան էլ չի տարբերվի»,-Panorama.am-ի հարցին ի պատասխան, ասաց մասնագետը:

Այս հիվանության բոլոր բարդությունները պայմանավորված են թթվածնային քաղցով և օրգանիզմում նյութափոխանակային քաղցով: «Տուժում են բոլոր օրգան համակարգերը, չկա օրգան, որը չտուժի այս պայմաններում: Պարզապես այստեղ հարցը նրանում է, թե որ օրգանն ավելի շուտ զգացնել կտա իրեն: «Ամենանուրբ օրգանը տեսողությունն է, որն այս հիվանդության դեպքում վատանում է: Ապա առաջանում են սիրտանոթային համակարգի խնդիրներ, ոտքերի ցավ, թմրածություն, հոգնածություն և այլն»,-ասաց Բ. Բաղրամյանը:

Նշենք, որ գոյություն ունի շաքարային դիաբետի մի քանի տիպ. առաջինը` ինսուլինակախյալ դիաբետն է, որն հիմնականում, հանդիպում է երիտասարդների մոտ` սթրեսի, վիրուսային հիվանդությունների ու այլ պատճառով: Երկրորդ տիպը` ավելի շատ է տարածված ու առաջանում է տարիների ընթացքում, այս ժամանակ օրգանիզմը չի կարողանում արտադրել այնքան ինսուլին, որքան հարկավոր է օրգանիզմում շաքարը կարգավորելու համար: Նման դեպքում, բուժումն ուղղված է լինելու օրգանիզմի նյութափոխանակությունը կարգավորելուն:

Հարցեր, պատասխաններ, մեկնաբանություններ