Կլինիկական դեպք. ֆրոնտիտի և հայմորիտի վիրահատական բուժում. izmirlianmedicalcenter.com

Պացիենտը (46 տարեկան) դիմել է Իզմիրլյան ԲԿ քիթ-կոկորդ-ականջաբանության բաժանմունք: Կլինիկա ընդունվելիս գանգատվել է դեմքի ձախ կողմի արտահայտված ցավերից: Կատարվել է համապատասխան հետազոտություններ, այդ թվում` համակարգչային շերտագրում, որի արդյունքում հայտնաբերվել է ձախակողմյան ֆրոնտիտ և հայմորիտ: Կատարվել է վիրահատական միջամտություն, որը նման ախտորոշման պարագայում հազվադեպ է իրականացվում:

Էնդոսկապիկ եղանակով ուղղվել է միջնապատը` միջին խեցու մակարդակի վրա, այնուհետև քթի խոռոչից բացվել է ճակատային խոռոչի հատվածը և դուրս է բերվել մեծ քանակությամբ թարախային արտադրություն: Վիրահատության ընթացքում բացվել է նաև հայմորային խոռոչը, որտեղից դուրս է մղվել թանձր լորձային արտադրություն: Միջամտությունն ավարտվել է առանց քթի խոռոչի տամպոնների տեղադրման:

Վիրահատությունն իրականացրել են քիթ-կոկորդ-ականջաբանության բաժանմունքի էնդոսկոպիկ ծառայության վիրաբույժներ Կարեն Սոկոլյանը և Տիգրանուհի Գրիգորյանը:

Հիվանդը կլինիկայից դուրս է գրվել վիրահատության հաջորդ օրը:

Հարցեր, պատասխաններ, մեկնաբանություններ